ការពិនិត្យមើលទីផ្សារកៅស៊ូធម្មជាតិនៅក្នុងខែមេសា ឆ្នាំ២០២៣

ការប្រៀបធៀបថ្លៃមធ្យមនៃពាណិជ្ជកម្មកៅស៊ូធម្មជាតិសំខាន់ៗនៅក្នុងទីផ្សារទិញលក់តាមកិច្ចសន្យា និងទីផ្សារទិញលក់ភ្លាមៗក្នុងអំឡុងពេលពាក់កណ្តាលទី១ និងទី២ នៃខែមេសា ឆ្នាំ២០២៣ ធៀបជា​មួយ​និងពាក់កណ្តាលចុងក្រោយនៃខែមីនាកន្លងមកត្រូវបានបង្ហាញនៅក្នុងតារាង ទី១&ទី២តាមលំដាប់​​រៀងគ្នា។ និន្នាការថ្លៃប្រចាំថ្ងៃនៃកៅស៊ូគ្រប់ប្រភេទក្នុងទីផ្សារទិញលក់តាមកិច្ចសន្យានិងទីផ្សារទិញលក់​ភ្លាមៗសំខាន់ៗ ក៏មានផ្តល់ជូនបន្ថែមនៅក្នុងតារាងថ្លៃឧបសម្ព័ន្ធផងដែរ។

តារាងទី១៖ ថ្លៃកៅស៊ូធម្មជាតិក្នុងពាក់កណ្តាលទី១ នៃខែមេសា ឆ្នាំ២០២៣ នៅក្នុងទីផ្សារទិញលក់តាមកិច្ចសន្យានិងទីផ្សារទិញលក់ភ្លាមៗនៅតំបន់អាស៊ី

តារាងទី២៖ និន្នាការថ្លៃកៅស៊ូធម្មជាតិអំឡុងចុងខែមេសា ឆ្នាំ២០២៣ ក្នុងទីផ្សារទិញលក់តាមកិច្ចសន្យា និងទីផ្សារទិញលក់ភ្លាមៗ

ក្នុងអំឡុងពាក់កណ្តាលទីមួយនិងទីពីរនៃខែមេសា ឆ្នាំ២០២៣ ថ្លៃជាមធ្យមនៃកៅស៊ូ​ធម្មជាតិនៅ​ក្នុង​ផ្សារទិញលក់ភ្លាមៗសំខាន់ៗមានការកើនឡើង (លើកលែងតែថ្លៃទឹកជ័រកៅស៊ូធម្មជាតិ) ដែល​ត្រូវ​បាន​ពិចារណាសម្រាប់ការវិភាគនេះធៀបនឹងពាក់កណ្តាលខែមុន។ នៅក្នុងទីផ្សារទិញលក់កិច្ចសន្យាផងដែរ ថ្លៃ​ជាមធ្យមបានកើនឡើងបើធៀបនឹងពាក់កណ្តាលទីមួយ (លើកលែងតែករណីតម្លៃកៅស៊ូធម្មជាតិក្នុងផ្សារ​ហ៊ុន​សៀង ហៃក្នុងពាក់កណ្តាលទីមួយនៃខែ)។

ការស្ទុះងើបឡើងវិញនៃថ្លៃកៅស៊ូធម្មជាតិប្រភេទសំខាន់ៗ លើកលែងតែទឹកជ័រកៅស៊ូ latex បើ​ប្រៀប​ធៀបទៅនឹងតម្លៃក្នុងខែមុន ទាំងនេះភាគច្រើនគឺដោយសារតែរដូវបិទរដូវសម្រាកផលិតកម្ម  ដោយ​សារតែរដូវរងារនៃដើមកៅស៊ូដែលត្រូវផ្អាកចៀរជ័រ។

ការ​ធ្លាក់​ចុះថ្លៃ​កៅស៊ូ​ធម្មជាតិ​នៅតែបន្ត។ សមាគមក្រុមហ៊ុនអ្នកផលិតស្រោមដៃ​កៅស៊ូរបស់ប្រទេស​​ម៉ាឡេស៊ី (MARGMA) ជឿជាក់ថា ចំណុចរួមនៃតម្រូវការ-ការផ្គត់ផ្គង់ស្រោមដៃកៅស៊ូ ដែលជាអ្នកប្រើប្រាស់វត្ថុធាតុដើមជ័រកៅស៊ូធម្មជាតិដ៏ធំអាចត្រលប់មកវិញបានក្នុងរយៈពេលប្រាំមួយទៅប្រាំបួនខែខាងមុខទៀត។ ម្យ៉ាងវិញទៀត របាយការណ៍ស្រាវជ្រាវនានាដូចជា Kenanga Research ជាដើម បានបង្ហាញថា ស្ថានភាពតម្រូវការ-ការផ្គត់ផ្គង់នឹងចាប់ផ្តើមឆ្ពោះទៅរកលំនឹងមួយបានរហូតដល់ឆ្នាំ២០២៥ឯណោះ។ ក្រុម Kenanga Research កំពុងរក្សាការប្រុងប្រយ័ត្នជាបន្តបន្ទាប់លើវិស័យស្រោមដៃកៅស៊ូ ដោយសារតែសង្កេតឃើញមានការកើនឡើងនៃថ្លៃវត្ថុធាតុដើម ថាមពល និងតម្លៃកម្លាំងពលកម្ម ធៀបជាមួយនឹងតម្លៃលក់ជាមធ្យម​ដែលបានធ្លាក់ចុះ (ASPs) ហើយថែមទាំងបរិមាណកៅស៊ូក្នុងស្តុកមានច្រើនទៀតផង។

យោងតាមនាយកដ្ឋានស្ថិតិប្រទេសម៉ាឡេស៊ីផលិតកម្មកៅស៊ូធម្មជាតិរបស់ប្រទេស​នេះ​បានថយចុះ ៧,៦% មកនៅត្រឹម២៧ ២០៩តោនក្នុងខែកុម្ភៈ​គឺចុះពី ២៩ ៤៥១តោនកាលក្នុង​ខែ​មករា។ ផលិតកម្មកៅស៊ូធម្មជាតិបានធ្លាក់ចុះ ២,៧% ធៀបនឹងឆ្នាំមុនគឺ ២៧ ៩៥០តោនក្នុងខែកុម្ភៈ​ឆ្នាំ​មុន។ ស្តុកសរុបរបស់កៅស៊ូធម្មជាតិក្នុងខែកុម្ភៈបានធ្លាក់ចុះអស់ ១,៥% មកនៅត្រឹម១០១ ៦៣៦តោន ចុះ​ ពី១៩៤ ៥៦៣តោនក្នុងខែមករា។ ការនាំចេញកៅស៊ូធម្មជាតិរបស់ប្រទេសម៉ាឡេស៊ីមានចំនួន ៤៨ ៣៩៣  តោនក្នុងខែកុម្ភៈ កើនឡើង ១៨,៤% ធៀបនឹងបរិមាណ ៤០ ៨៦៧តោនក្នុងខែមុន។ គោលដៅសំខាន់នៃ​ការ​នាំ​ចេញ​របស់ម៉ាឡេស៊ីគឺទៅកាន់ប្រទេសចិន ៥៦,៩% អាល្លឺម៉ង់ ៧,៣% ទួរគី ៣,៦% សហរដ្ឋ​អាមេរិក ២,១% និងទៅកាន់អេហ្ស៊ីប ១,៥% ក្នុងអំឡុងខែកុម្ភៈ។

ការកើនឡើងនៃតម្លៃកៅស៊ូជាមធ្យមដែលត្រូវបានជួញដូរនៅក្នុងផ្សារហ៊ុនសំខាន់ៗ (លើកលែង​តែ​ការធ្លាក់ចុះតិចតួចនៅក្នុងផ្សារហ៊ុនសៀង ហៃ​ក្នុងអំឡុងពេលពាក់កណ្តាលទីមួយនៃខែមេសា) ក្នុងអំឡុងពាក់​កណ្តាល​ទីមួយនិងទីពីរ (ដូចបានបង្ហាញក្នុងតារាងទី១ និងទី ២) ត្រូវបានគាំទ្រមួយផ្នែកដោយ​តម្លៃប្រាក់​យ៉េន​​ចុះខ្សោយ ដោយសេចក្តីប្រកាសរបស់ OPEC+ ស្តីពីការកាត់បន្ថយទិន្នផលប្រេង និងដោយ​ការ​រំពឹង​ទុកនៃការងើបឡើងវិញនៃសេដ្ឋកិច្ចប្រទេសចិន។ល។

ប្រទេសអារ៉ាប៊ីសាអូឌីតនិងប្រទេសផលិតប្រេង OPEC+ ផ្សេងទៀតបានប្រកាសកាត់បន្ថយទិន្នផលប្រេងបន្ថែមទៀតរហូតដល់ប្រមាណ ១,១៦លានបារ៉ែល/ថ្ងៃ(នេះជាការប្រៃប្រួលដ៏គួរឱ្យភ្ញាក់ផ្អើលមួយដែលអ្នកវិភាគបាននិយាយថានឹងធ្វើឱ្យតម្លៃកើនឡើងភ្លាមៗ ថែមទៀត)។ បន្ទាប់​មក​ថ្លៃ​ប្រេង​ឆៅ​ក៏បាន​ឡើង​ថ្លៃ​រហូត​ដល់​ថ្ងៃ​ទី១២ ខែ​មេសា ហើយ​បន្ទាប់​មក​ក៏​បានចាប់​ផ្តើម​ធ្លាក់​ចុះមកវិញ។

អត្រាអតិផរណាប្រចាំឆ្នាំនៅសហរដ្ឋអាមេរិកបានធ្លាក់ចុះមកដល់ ៤,៩% នៅក្នុងខែមេសា ដែលជាកម្រិតទាបបំផុតចាប់តាំងពីខែមេសា ឆ្នាំ ២០២១មក ពោលគឺចុះពី ៥% កាលក្នុងខែមីនា។

ក្នុងអំឡុងខែមេសា រូបិយប័ណ្ណរបស់ជប៉ុន (យ៉េន) ម៉ាឡេស៊ី (រីងហ្គីត) និងថៃ (បាត) មាននិន្នាការធ្លាក់ចុះ។

និន្នាការថ្លៃប្រចាំថ្ងៃរបស់កៅស៊ូប្រភេទ STR 20 និង SMR 20 នៅក្នុងទីផ្សារទីក្រុងបាងកក និង​ទីផ្សារក្រុងគួឡាឡាំពួក្នុងខែមេសាត្រូវបានផ្តល់ជូននៅក្នុងក្រាហ្វិកទី១។ ប្រៀបធៀបទៅនឹងពាក់​កណ្តាល​ ​ខែទី១​ដំណើរការនៃថ្លៃប្រចាំថ្ងៃគឺបានប្រសើរជាងក្នុង​ពាក់កណ្តាលទីពីរទាំងនៅក្នុងទីផ្សារក្រុងគួរឡាឡាំពួរ

​

ក្រាហ្វិកទី២ បង្ហាញពីនិន្នាការថ្លៃប្រចាំថ្ងៃសម្រាប់កៅស៊ូប្រភេទ RSS 3 និង RSS 4 រៀង​គ្នា​នៅ​ក្នុង​ទីផ្សារបាងកកនិងទីផ្សារកូតូយ៉ាមក្នុងអំឡុងខែមេសា។ នៅក្នុងទីផ្សារទាំងពីរតម្លៃបានបង្ហាញពី​និន្នាការ​កើន​ឡើងក្នុងខែមេសានេះ។

និន្នាការតម្លៃប្រចាំថ្ងៃរបស់ទឹកជ័រកៅស៊ូ Latex 60% នៅគួរឡាឡាំពួរនិងទឹកជ័រ 60% FOB នៅ​ទីក្រុងបាងកកក្នុងអំឡុងខែមេសាត្រូវបានផ្តល់ជូនក្នុងក្រាហ្វិកទី៣។ ទោះបីជាថ្លៃទីផ្សារទាំងពីរ​បង្ហាញ​និន្នាការ​ធ្លាក់ចុះក៏ដោយ ក៏ថ្លៃនៅទីក្រុងបាងកកបានចាប់ផ្តើមឡើងថ្លៃចាប់ពីថ្ងៃទី ១៨ ខែមេសារៀងមក។

ក្រាហ្វិកទី៤ បង្ហាញពីនិន្នាការថ្លៃទូទាត់ប្រចាំថ្ងៃនៃកិច្ចសន្យាកៅស៊ូ​សកម្មបំផុត ដែលត្រូវបានជួញ​ដូរ​នៅក្នុងផ្សារហ៊ុនស៊ាងហៃក្នុងខែមេសា។ ក្នុងអំឡុងពាក់កណ្តាលទីមួយនៃខែនេះ ថ្លៃនៅក្នុងផ្សារហ៊ុន​ស៊ាង​ហៃ​សម្រាប់ទីផ្សារទិញលក់តាមកិច្ចសន្យាមាននិន្នាការធ្លាក់ចុះ ហើយបានប្រែទៅជាកើនឡើង​វិញនៅ​ក្នុង​ពាក់កណ្តាលទីពីរនៃខែ។

និន្នាការថ្លៃទូទាត់ប្រចាំថ្ងៃរបស់កៅស៊ូប្រភេទ TSR 20 ត្រូវបានជួញ​ដូរ​នៅ​ក្នុងផ្សារហ៊ុន SICOM ក្នុងអំឡុងខែមេសា ឆ្នាំ២០២៣នេះ ត្រូវបានផ្តល់ជូនក្នុងក្រាហ្វិកទី៥។

ថ្លៃទូទាត់ប្រចាំថ្ងៃនៃទីផ្សារទិញលក់តាមកិច្ចសន្យាសម្រាប់កៅស៊ូប្រភេទ RSS 3 ដែលត្រូវ​បាន​ជួញ​ដូរនៅក្នុងផ្សារហ៊ុនអូសាកាក្នុងអំឡុងខែមេសា ឆ្នាំ២០២៣ ត្រូវបានផ្តល់ជូនក្នុងក្រាហ្វិកទី៦។

ក្នុង​ករណី​រូបិយប័ណ្ណ​សំខាន់ៗ​ដែល​ត្រូវជួញដូរថ្លៃ​កៅស៊ូ ប្រាក់​យ៉េន​​ជប៉ុន​បាន​ធ្លាក់​ចុះ​ក្នុង​អំឡុង​ខែ​មេសានេះ។ ក្រាហ្វិកទី៧ បង្ហាញពីកំលាំងនៃប្រាក់យ៉េនរបស់ប្រទេសជប៉ុនធៀបនឹងប្រាក់ដុល្លារអាមេរិក។

ក្រាហ្វិកទី៨ និងទី៩ បង្ហាញពីភាពរឹងមាំនៃតម្លៃប្រាក់បាតថៃ និងប្រាក់រីងហ្គីតម៉ាឡេស៊ីក្នុង​អំឡុង​នៃខែមេសា ឆ្នាំ២០២៣។

ក្នុងអំឡុងខែមេសានេះ ទន្ទឹមពេលដែលថ្លៃប្រាក់បាតថៃស្ទើរតែមានស្ថិរភាពថ្លៃប្រាក់រីងហ្គីត​ម៉ាឡេ​ស៊ីឯណោះវិញបានធ្លាក់ចុះ។

ក្រាហ្វិកទី១០ បង្ហាញពីនិន្នាការថ្លៃប្រចាំថ្ងៃសម្រាប់ប្រេងឆៅក្នុងអំឡុងនៃខែមេសា ឆ្នាំ២០២៣។ ថ្លៃប្រេងឆៅបានធ្លាក់ចុះ ៥,២៣% នៅថ្ងៃទី២៨ ខែមេសាធៀបនឹងថ្ងៃទី៣ ខែមេសា។ នៅក្នុងពាក់​កណ្តាលទីមួយនៃខែ ថ្លៃបានកើនឡើង ១,៧៥% (ពី៨៥,៨១USD/បារ៉ែល នៅថ្ងៃទី៣ ខែមេសា ឆ្នាំ២០២៣ ទៅដល់ ៨៧,៣១USD/បារ៉ែល នៅថ្ងៃទី១៤ ខែមេសា ឆ្នាំ២០២៣) ហើយនៅក្នុងពាក់កណ្តាល​ទីពីរ​ថ្លៃ​ប្រេងបានធ្លាក់ចុះ ៥,០៣% (ពី ៨៥,៦៣USD/បារ៉ែល នៅថ្ងៃទី១៧ ខែមេសា ឆ្នាំ២០២៣ មកដល់ ៨១,៣២USD/បារ៉ែល នៅថ្ងៃទី២៨ ខែមេសា ឆ្នាំ២០២៣)។

របាយការណ៍និយាយថាផលិតកម្ម PMI របស់ប្រទេសចិនបានធ្លាក់ចុះដោយមិនបានរំពឹងទុកដល់​កម្រិតទាបក្នុងរយៈពេល៤ខែ មកនៅកំរិត ៤៩,២ ក្នុងខែមេសា ពោលគឺចុះពី ៥១,៩ កាលក្នុងខែមីនា។ ពិន្ទុនេះបានចង្អុលបង្ហាញពីការធ្លាក់ចុះជាលើកដំបូងនៅក្នុងសកម្មភាពរបស់រោងចក្រចាប់តាំងពីខែធ្នូឆ្នាំមុន ចំពេលតម្រូវការពិភពលោកចុះខ្សោយ។ កំណើនទិន្នផលតិចបំផុតចាប់តាំងពីការដួលរលំក្នុងខែមករា (៥០,២ ទល់នឹង ៥៤,៦ ក្នុងខែមីនា)។ ការបញ្ជាទិញថ្មីទាំងពីរ (៤៨,៨ ទល់នឹង ៥៣,៦) ចំណែកសកម្មភាពទិញ (៤៩,១ ទល់នឹង ៥៣,៥) បានធ្លាក់ចុះបន្ទាប់ពីការកើនឡើងក្នុងរយៈពេលបីខែមុន។ ការលក់សម្រាប់នាំចេញ​ ​បានធ្លាក់ចុះជាលើកដំបូងចាប់តាំងពីខែមករា (៤៧,៦ ទល់នឹង ៥០,៤) ហើយអត្រាការងារបានធ្លាក់​ចុះ​សម្រាប់ពីរខែជាប់គ្នា (៤៨,៨ ទល់នឹង ៤៩,៧)។

ស្ថាប័នមូលនិធិរូបិយវត្ថុអន្តរជាតិនិង WTO បានព្យាករណ៍ពីការធ្លាក់ចុះនៃកំណើនសេដ្ឋកិច្ច​ពិភពលោក​​ ក្នុងកំឡុងឆ្នាំ២០២៣ ធៀបនឹងឆ្នាំ២០២២៖

យោងតាមទស្សនវិស័យសេដ្ឋកិច្ចពិភពលោក (World Economic Outlook - WEO) របស់​ស្ថាប័ន IMF នៅខែមេសាបង្ហាញថា កំណើនសេដ្ឋកិច្ចពិភពលោកត្រូវបានព្យាករណ៍​ថានឹងធ្លាក់ចុះពី​ការ​ប៉ាន់​ប្រមាណនៅកំរិត ៣,៤% ក្នុងឆ្នាំ ២០២២ មកនៅត្រឹម២,៨% នៅឆ្នាំនេះ បន្ទាប់មកនឹងកើន​ឡើងដល់ ៣,០% នៅឆ្នាំ២០២៤ (ធ្លាក់ចុះចំនួន០,១%) ខុសពីការធ្វើបច្ចុប្បន្នភាពរបស់ WEO ខែមករា ឆ្នាំ២០២៣។ កំណើនសម្រាប់តំបន់អាមេរិកនិងតំបន់ចាយប្រាក់អឺរ៉ូត្រូវបានគេព្យាករណ៍ថានឹងធ្លាក់ចុះពី ២,១ និង ៣,៥ ទៅ ១,៦% និង ០,៨% លំដាប់រៀងគ្នា ហើយប្រទេសចិននិងប្រទេសឥណ្ឌាត្រូវបានគេរំពឹងថា​នឹងកើនឡើងពី ៣,០ និង ៦,៨ ទៅដល់ ៥,២% និង ៥,៩% រៀងគ្នាក្នុងកំឡុងឆ្នាំ២០២៣។

យោងតាមទស្សនវិស័យនិងស្ថិតិពាណិជ្ជកម្មសកល (Global Trade Outlook and Statistics) របស់អង្គការ WTO ការព្យាករណ៍នៃកំណើនសេដ្ឋកិច្ចពិភពលោកនឹងធ្លាក់ចុះមកត្រឹម ២,៤% នៅឆ្នាំនេះពី ៣,០%  កាលពីឆ្នាំមុននិង ៥,៩% នៅឆ្នាំ២០២១។ សម្ពាធអតិផរណានិងការកើនឡើងនៃអត្រាការប្រាក់ ដោយធនាគារកណ្តាលដែលមានគោលបំណងទប់ទល់អតិផរណាបានកាត់បន្ថយតម្រូវការប្រើប្រាស់ទំនិញនិងកាត់បន្ថយកំណើនពាណិជ្ជកម្មបន្ថែមទៀត។

យោងតាមរបាយការណ៍ទស្សនវិស័យសេដ្ឋកិច្ចរបស់វេទិកាសេដ្ឋកិច្ចពិភពលោក (World Economic Forum’s Chief Economists Outlook) ប្រចាំខែឧសភា ឆ្នាំ២០២៣ បង្ហាញថាចំនួន ៧៥% នៃសេដ្ឋវិទូសំខាន់ៗ ពួកគេរំពឹងថានឹងមានកំណើនខ្សោយឬខ្សោយខ្លាំងនៅឆ្នាំនេះនៅក្នុងទ្វីបអឺរ៉ុប ខណៈពេលដែលសម្រាប់សហរដ្ឋអាមេរិកវិញ ទស្សនៈគឺខុសគ្នាដោយសារតែការរំពឹងទុកពីកំណើនរបស់ប្រទេសនេះត្រូវបានស្រអាប់ដោយភាពមិនច្បាស់លាស់ដែលកើនឡើងជុំវិញស្ថិរភាពហិរញ្ញវត្ថុរួមនិងល្បឿននិងវិសាលភាពនៃការរឹតបន្តឹងរូបិយវត្ថុ។ ប្រធានសេដ្ឋវិទូឥឡូវនេះ បានបែងចែកការវិភាគស្មើៗគ្នាលើទស្សនវិស័យសម្រាប់សហរដ្ឋ អាមេរិក ដោយមានអ្នកឆ្លើយតបប្រហែល ៥០% រំពឹងថានឹងមានកំណើនមធ្យមឬខ្លាំង ហើយក៏មានពាក់កណ្តាលទៀត (៥០%) រំពឹងថានឹងមានកំណើនខ្សោយឬខ្សោយខ្លាំង។ សកម្មភាព​សេដ្ឋកិច្ច​ដែល​មាន​ភាព​រីក​ចម្រើន​បំផុត​ត្រូវ​បាន​គេ​រំពឹង​ទុកថានឹងកើតមាន​នៅតំបន់​អាស៊ី ដោយផ្អែកលើការ​បើក​ដំណើរការ​ឡើង​វិញ​របស់​ប្រទេស​ចិន​ ប្រការនេះត្រូវ​បាន​​ព្យាករ​ថា​នឹង​ជំរុញ​សកម្មភាព​នៅ​ទូទាំង​ទ្វីបមួយនេះ។ សម្រាប់​ប្រទេស​ចិន​ផ្ទាល់ សេដ្ឋវិទូ​សឹងតែទាំងអស់​មានគំនិតរួម​គ្នា​ក្នុង​ការ​រំពឹង​ថា​នឹង​មាន​ការ​ស្ទុះ​​ឡើង​វិញ​យ៉ាង​ខ្លាំង​នៅ​ឆ្នាំ​នេះ។

ខណៈពេលដែលមានការព្យាករណ៍ពីការធ្លាក់ចុះនៃកំណើនសេដ្ឋកិច្ចពិភពលោកនិងការចាប់ផ្តើមនៃការប្រមូលផលកៅស៊ូបន្ទាប់ពីរដូវ“សម្រាកចៀរជ័រ” អាចជាការដាក់សម្ពាធលើទីផ្សារកៅស៊ូ ម៉្យាងទៀត​ការរំពឹង​ទុកនៃកំណើនតម្រូវការនៅក្នុងប្រទេសចិននិងប្រទេស ឥណ្ឌាដែលសុទ្ធតែជាប្រទេស​ប្រើប្រាស់​កៅស៊ូ​ធម្មជាតិដ៏ធំនោះ អាចផ្តល់ការគាំទ្រគ្រប់គ្រាន់ដល់តម្លៃកៅស៊ូក្នុងរយៈពេលខ្លី៕