ព័ត៌មានចុងក្រោយ
នៅរសៀលថ្ងៃទី២៥ ខែកញ្ញា ឆ្នាំ២០២០ នៅសាលប្រជុំអគ្គនាយកដ្ឋានកៅស៊ូ មានកិច្ចប្រជុំ មួយស្តីពីកិច្ចសហការលើការកសាងគោលការណ៍ ណែនាំនិរន្តរភាពកៅស៊ូធម្មជាតិ រវាងអគ្គនាយក ដ្ឋានកៅស៊ូ និង អង្គការWWF កម្ពុជា ក្រោមអធិបតីភាព ឯកឧត្តម ប៉ុល សុផា ប្រតិភូរាជរដ្ឋាភិបាលកម្ពុជាទទួលបន្ទុក ជាអគ្គនាយកនៃអគ្គនាយកដ្ឋាន កៅស៊ូ និងមានការចូលរួមពីលោកអគ្គនាយករង លោកប្រធាន អនុប្រធាននាយកដ្ឋាន លោកប្រធាន អនុប្រធានការិយាល័យ មន្រ្តីជំនាញ និងអង្គការ WWF សរុបចំនួន១៤នាក់(ស្រី១នាក់) គោលបំណងសំខាន់នៃកិច្ចប្រជុំ គឺដើម្បីលើកកម្ពស់កិច្ចសហការ និងពិភាក្សាកិច្ចសហការលើការកសាងគោលការណ៍ណែនាំនិរន្តរភាពកៅស៊ូ ធម្មជាតិ។
ជាកិច្ចចាប់ផ្តើម ឯកឧត្តម ប៉ុល សុផា ប្រធានអង្គប្រជុំបានធ្វើការស្វាគមន៍ចំពោះ លោកនាយកអង្គការ WWF និងសមាជិកនៃអង្គប្រជុំទាំងអស់ ដែលបានចំណាយពេលចូលរួមប្រជុំ។ បន្ទាប់មក ឯកឧត្តម បានលើកឡើងពីកិច្ចសហការរវាងអគ្គនាយកដ្ឋាន និងអង្គការ WWF ដែលបានចាប់ផ្តើមតាំងពីខែឧសភា ឆ្នាំ២០២០មកម្លេះ ដោយបានអនុវត្តសកម្មភាពការងារជាមួយគ្នាបានចំនួន០៥ដងរួចមកហើយ ដូចជា៖
ឯកឧត្តមបានបញ្ជាក់ជូនលោកនាយកអង្គការWWF ស្តីពីលិខិតសុំការសហការ គឺអគ្គនាយកដ្ឋានកៅស៊ូបានរៀបចំលិខិតស្នើសុំការអនុញ្ញាត ទៅក្រសួងកសិកម្ម រុក្ខាប្រមាញ់ និងនេសាទរួចរាល់ ដោយរង់ចាំចម្លើយតបរបស់ក្រសួង។
បន្ទាប់ពីកិច្ចស្វាគមន៍របស់ឯកឧត្តមប្រធានរួច លោក សេង ទៀក ប្រធានអង្គការ WWF កម្ពុជា បានថ្លែងអំណរគុណដល់ឯកឧត្តមប្រតិភូនិងសហការី ដែលបានចំណាយពេលវេលាដ៏មានតម្លៃក្នុងការចូលរួមកិច្ចប្រជុំ និងបានជម្រាបជូនអង្គប្រជុំអំពីសកម្មភាពរបស់អង្គការ WWF ដែលជាអង្គការក្រៅរដ្ឋាភិបាលនិងមានវត្តមាននៅប្រទេសកម្ពុជាតាំងពីឆ្នាំ១៩៩៥។ គោលដៅសំខាន់របស់អង្គការWWF គឺធានាឱ្យបាននូវការចូលរួម និងការគាំទ្រពីប្រជាជនក្នុងការរក្សាឱ្យបាននូវជីវៈចម្រុះដ៏សំបូរបែបក្នុងប្រទេសកម្ពុជា តាមរយៈការបង្កើត ឱកាសថ្មីៗដែលផ្តល់សារៈប្រយោជន៍សម្រាប់ប្រជាជនទាំងអស់ និងលើកកម្ពស់ជីវភាពរស់នៅរបស់ប្រជាសហគមន៍។ បច្ចុប្បន្នអង្គការWWF កំពុងអនុវត្តគម្រោងជាច្រើនក្នុងពីរតំបន់គឺ តំបន់ខ្ពង់រាបទេសភាពភាគខាង កើត(មណ្ឌលគិរី) និងតំបន់ទេសភាពព្រៃលិចទឹកទន្លេមេគង្គ(ខេត្តក្រចេះ)។ លោកបានបញ្ជាក់ជូនទៀតថា អង្គការ WWF បានសហការជាមួយ ក្រសួងបរិស្ថាន មន្ទីរបរិស្ថាន ក្រសួងកសិកម្ម រុក្ខាប្រមាញ់ និងនេសាទ រដ្ឋបាលជលផល ក្រសួងដែនដី នគររូបនីយកម្ម និងសំណង់ និងរដ្ឋបាលថ្នាក់ខេត្ត។ ទន្ទឹងនឹងនេះអង្គការ WWF បានធ្វើការសិក្សាស្តីពីការប្រើប្រាស់ដីនៅក្នុងខេត្តមណ្ឌលគិរីដោយសហការជាមួយក្រសួងដែនដី នគររូបនីយកម្ម និងសំណង់ និងរដ្ឋបាលថ្នាក់ខេត្ត ដើម្បីកំណត់ការប្រើប្រាស់ដីនៅខេត្តមណ្ឌលគិរីឱ្យបានច្បាស់លាស់ ដីដំណាំកៅស៊ូ ដីធ្វើកសិកម្មផ្សេងៗទៀត និងដីតំបន់ការពារ។ តាមរយៈការគាំទ្រថវិកាពី BMZ របស់ប្រទេសអាល្លឺម៉ង់ របស់អង្គការWHH អង្គការWWFបានអនុវត្តគម្រោង“ការអភិវឌ្ឍភាពជាដៃគូពហុភាគីក្នុងតំបន់អាស៊ីអាគ្នេយ៍ដើម្បីលើកកម្ពស់ខ្សែចង្វាក់តម្លៃកសិកម្ម ប្រកបដោយនិរន្តរភាពក្នុងអនុវិស័យកៅស៊ូ” ដែលហៅកាត់ថាគម្រោងភាពជាដៃគូពហុភាគី ”multi-actor partnership : MAP” ស្ថិតនៅខេត្តមណ្ឌលគិរី ដែលមានរយៈពេល ០៣ឆ្នាំ។ តាមរយៈគម្រោងនេះដែរ អង្គការWWF មានបំណងចង់ជំរុញផលិតផលកៅស៊ូកម្ពុជាទៅ លក់នៅទីផ្សារអន្តរជាតិ ដែលមានការទទួលស្គាល់ជាលក្ខណៈសកល។ លោកបានបន្តទៀតថា ចំពោះរយៈពេលនេះ WWF កំពុងធ្វើការចរចារជាមួយអង្គការ WHH ដើម្បីបន្តកិច្ចការងារនេះ ព្រោះការជំរុញផលិតផលកៅស៊ូ ប្រកបដោយនិរន្តរភាពរបស់កម្ពុជាដល់ទីផ្សារអន្តរជាតិ គឺត្រូវការពេលវេលាយ៉ាងហោចណាស់១០ឆ្នាំ។
លោក ស៊ីវ គង់ ប្រធានគម្រោងរបស់អង្គការWWF បានធ្វើបទបង្ហាញស្តីពីគម្រោង MAP (multi-actor partnership) ជូនដល់អង្គប្រជុំ ដែលគម្រោងនេះមានរយៈពេលបីឆ្នាំ ចាប់ពីខែកក្កដាឆ្នាំ២០១៩ ដល់មិថុនាឆ្នាំ២០២២ គាំទ្រថវិកាដោយ BMZ របស់ប្រទេសអាល្លឺម៉ង់តាមរយៈអង្គការ WHH។ លោកបន្តទៀតថា គម្រោងនេះមានគោលបំណង បង្កើតយន្តការភាពជាដៃគូពហុភាគីក្នុងប្រទេសចំនួន៣ក្នុងតំបន់អាស៊ីអាគ្នេយ៍ (កម្ពុជា ថៃ និងមីយ៉ាន់ម៉ា) ដើម្បីជំរុញខ្សែចង្វាក់ផ្គត់ផ្គង់កៅស៊ូ ព្រមទាំងផលិតកម្មកៅស៊ូប្រកបដោយនិរន្តរភាព និងរួមចំណែកការកែលម្អជីវភាពរបស់កសិករកៅស៊ូគ្រួសារ ជនជាតិដើមភាគតិចនិងកម្មករ។ គម្រោងអនុវត្តវិធីសាស្រ្តភាពជាដៃគូពហុភាគី (Multi-actor approach) មានបួនដំណាក់កាល គឺដំណាក់កាលទី១ ការស្វែងយល់ និងការចូលរួម ដំណាក់កាលទី២ ការបង្កើតនិងធ្វើឱ្យមានលក្ខណៈជាផ្លូវការ ដំណាក់កាលទី៣ ការអនុវត្តនិងវាយតំលៃ និងដំណាក់កាលទី៤ ការអភិវឌ្ឍ ពង្រឹង បង្កើតជាស្ថាប័នឬរចនាសម្ព័ន្ធ។
ឯកឧត្តម ប៉ុល សុផា បានជម្រាបជូនលោកនាយកបន្ថែមស្តីពី និរន្តរភាពកៅស៊ូធម្មជាតិ គឺជាគំនិតផ្តូចផ្តើមរបស់ International Rubber Study Group (IRSG) ហើយសមាគមបណ្តាលប្រទេសផលិតកៅស៊ូធម្មជាតិ(ANRPC) បានធ្វើការផ្សព្វផ្សាយពីគោលការណ៍និរន្តរភាពកៅស៊ូធម្មជាតិនេះដល់សមាជិកទាំងអស់ផងដែរ។ ដោយឡែកកម្ពុជា បានរៀបចំគោលការណ៍និរន្តរភាពកៅស៊ូធម្មជាតិមួយសម្រាប់បញ្ចូលក្នុងគោលការណ៍និរន្តរភាពកៅស៊ូធម្មជាតិរបស់ ANRPC ក្រោយពេលដែលគោលការណ៍ណែនាំអំពីនិរន្តរភាពកៅស៊ូធម្មជាតិរបស់ ANRPC បានអនុម័តបញ្ចប់។ ឯកឧត្តមបានមានប្រសាសន៍បន្តថា ក្រៅពីគោលការណ៍និរន្តរភាពកៅស៊ូធម្មជាតិ ដើម្បីជំរុញកៅស៊ូកម្ពុជាដល់ទីផ្សារអន្តរជាតិបាន គឺយើងមានមន្ទីរពិសោធន៍យថាប្រភេទសម្រាប់បញ្ជាក់ស្តង់ដាកៅស៊ូរួចហើយដែរ។
លទ្ធផល បន្ទាប់មកអង្គប្រជុំបានពិនិត្យពិភាក្សា សម្រេចការងារក្នុងការសហការជាមួយគ្នានូវ ចំណុចដូចខាងក្រោម៖
