ព័ត៌មានចុងក្រោយ
ចាប់ពីថ្ងៃទី២១-២៣ ខែតុលា ឆ្នាំ២០២០ នាយកដ្ឋានរដ្ឋបាល និងនីតិកម្មបានបើកវគ្គបណ្តុះបណ្តាលសមត្ថភាពជំនាញដល់មន្ត្រីរាជការនៅសាលប្រជុំធំ នៃអគ្គនាយកដ្ឋានកៅស៊ូ ក្រោមអធិបតីភាព ឯកឧត្តម ប៉ុល សុផា ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយកនៃ អគ្គនាយកដ្ឋានកៅស៊ូ និងមានការចូលរួមពីមន្ត្រីរាជការនៃអគ្គនាយកដ្ឋានកៅស៊ូសរុបចំនួន៣៥នាក់ (ស្រី១២នាក់)។ គោលបំណងសំខាន់នៃវគ្គបណ្តុះបណ្តាល គឺដើម្បីបង្កើនការយល់ដឹងនិងសមត្ថភាពរបស់មន្ត្រីរាជការនៃ អគ្គនាយកដ្ឋានកៅស៊ូសម្រាប់យកទៅអនុវត្តនៅក្នុង ការងារប្រចាំថ្ងៃឲ្យកាន់តែបានល្អប្រសើរឡើងមួយកម្រិតថែមទៀត។
ជាកិច្ចចាប់ផ្តើម លោក ឃួន ផល្លា ប្រធាន នាយកដ្ឋានរដ្ឋបាលនិងនីតិកម្ម បានថ្លែងសុន្ទរកថាស្វាគមន៍ដល់អង្គពិធីនិងលើកឡើងពីគោលបំណងនៃវគ្គបណ្តុះបណ្តាលនេះ ព្រមទាំងសំណូមពរឲ្យសិក្ខាកាមទាំងអស់យកចិត្តទុកដាក់ស្តាប់និងលើកជាសំណួរឲ្យបានច្រើននៅពេលដែលវាគ្មិនធ្វើបទបង្ហាញ។
ជាកិច្ចបន្ទាប់ ឯកឧត្តម ប៉ុល សុផា បានអញ្ជើញមានមតិសំណេះសំណាលនិងប្រកាសបើកវគ្គបណ្តុះបណ្តាល ដោយបានផ្តល់នូវអនុសាសន៍ដ៏ល្អៗជាគន្លឹះជួយឲ្យវគ្គបណ្តុះបណ្តាលប្រព្រឹត្តទៅដោយជោគជ័យ។ ឯកឧត្តមប្រតិភូក៏បានផ្តាំផ្ញើឲ្យសិក្ខាកាមទាំងអស់យកចិត្តទុកដាក់ស្តាប់បទបង្ហាញរបស់វាគ្មិន ដើម្បីទទួលបាននូវចំណេះដឹងសម្រាប់យកទៅអនុវត្តនាពេលអនាគត។
ក្នុងរយៈពេលបីថ្ងៃ នៃវគ្គបណ្តុះបណ្តាលនេះ មានប្រធានបទសំខាន់ៗ ដូចជា៖
សន្និដ្ឋាន៖
ជារួម តាមរយៈវគ្គបណ្តុះបណ្តាលសមត្ថភាពជំនាញដល់មន្រ្តីរាជការឃើញថា បានផ្តល់នូវចំណេះដឹងថ្មីៗបន្ថែមទៀតដល់សិក្ខាកាមឲ្យយល់កាន់ច្បាស់ អំពីផលប្រយោជន៍ និងនីតិវិធីនៃការគ្រប់គ្រងមន្ត្រីរាជការនិងជំងឺលើដំណាំកៅស៊ូជាដើម។
សំណូមពរ៖
