Latest News
ចាប់ពីថ្ងៃទី១៣-១៥ ខែធ្នូ ឆ្នាំ២០២២ នាយកដ្ឋានអភិវឌ្ឍន៍កៅស៊ូ នៃអគ្គនាយកដ្ឋានកៅស៊ូបានបើកវគ្គសិក្ខាសាលា “ផ្ទេរបច្ចេកវិទ្យាដំណាំកៅស៊ូដល់ មន្រ្តីបង្គោល” នៅសាលប្រជុំសណ្ឋាគារវឌ្ឍនៈរាសី ខេត្តសៀមរាប ដោយមានការអញ្ជើញចូលរួមជាគណៈអធិបតីដោយលោក ឃុន កក្កដា អគ្គនាយករង នៃអគ្គនាយកដ្ឋានកៅស៊ូ លោក ផេង មុត្ថាវី ប្រធាននាយកដ្ឋានអភិវឌ្ឍន៍កៅស៊ូ និងលោក ហៃ វាសនា អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប ព្រមទាំងមានការចូលរួមពីមន្ត្រីជំនាញមកពីការិយាល័យកៅស៊ូតាមបណ្តាខេត្តទាំង ២១ខេត្ត សរុបមានចំនួន៣៦នាក់ (ស្រី៧នាក់)។
សិក្ខាសាលានេះ មានគោលបំណងផ្ទេរបច្ចេកវិទ្យាដំណាំកៅស៊ូដល់មន្ត្រីបង្គោល ដើម្បីទទួលបានចំណេះដឹងអំពីបច្ចេកទេសកៅស៊ូនិងស្ថាន- ភាពនិន្នាការ នៃផ្គត់ផ្គងនិងតម្រូវការកៅស៊ូធម្មជាតិលើទីផ្សារអន្តរជាតិ សម្រាប់ផ្សព្វផ្សាយនិងបណ្តុះបណ្តាលបន្តដល់កសិករកៅស៊ូគ្រួសារ អនុវត្ដបានត្រឹមត្រូវតាមបទដ្ឋានបច្ចេកទេសចាប់តាំងពីការដាំដុះ រហូតដល់ការយកផលកៅស៊ូ។
ជាកិច្ចចាប់ផ្តើមលោក ហៃ វាសនា បានមានមតិស្វាគមន៍និងរាយការណ៍វឌ្ឍនភាព នៃការដាំដុះដំណាំកៅស៊ូនៅក្នុងខេត្តសៀមរាបដល់អង្គពិធី។ លោកក៏បានថ្លែងអំណរគុណចំពោះអគ្គនាយកដ្ឋានកៅស៊ូ ដែលតែងតែយកចិត្តទុកដាក់បង្កើតកម្មវិធីសិក្ខាសាលានានាដល់មន្រ្តីបង្កោល និងបានផ្តាំផ្ញើដល់សិក្ខាកាមត្រូវយកចិត្តទុកដាក់ស្តាប់ការធ្វើបទបង្ហាញរបស់វាគ្មិន។
បន្ទាប់មក លោក ផេង មុត្ថាវី បានមានមតិសំណេះសំណាលដល់អង្គពិធីនិងលើកឡើងអំពីគោលបំណងនៃវគ្គសិក្ខាសាលានាថ្ងៃនេះ។ ទន្ទឹមនឹងនោះ លោកក៏បានរំលឹកដល់សិក្ខាកាមទាំងអស់ត្រូវយកចិត្តទុកដាក់ស្តាប់ និងលើកជាសំនួរឲ្យបានច្រើននៅពេលដែលវាគ្មិនបានធ្វើបទបង្ហាញ។
ជាកិច្ចបន្ទាប់មកលោក ឃុន កក្កដា បានថ្លែងសន្ទរកថាស្វាគមន៍ចំពោះវត្តមានសិក្ខាកាមដែលបានអញ្ជើញចូលរួមនាពេលនេះ និងប្រកាសបើកអង្គសិក្ខាសាលា។ លោកក៏បានគូសបញ្ជាក់ថាសិក្ខាសាលានេះ ពិតជាផ្តល់នូវសារៈប្រយោជន៍ដល់មន្រ្តីជំនាញនៅតាមបណ្តាខេត្តដើម្បីផ្សព្វផ្សាយនិងបណ្តុះបណ្តាលបន្តដល់កសិករកៅស៊ូគ្រួសារនៅក្នុងមូលដ្ឋានរបស់ខ្លួន។
សិក្ខាសាលារយៈពេលបីថ្ងៃនេះ វាគ្មិននីមួយៗបានធ្វើបទបង្ហាញលើប្រធានបទមួយចំនួនដូចខាងក្រោម៖
- ស្ថានភាពកៅស៊ូនៅកម្ពុជាឆ្នាំ២០២២
- ការសិក្សាថ្លៃដើមលើការដាំដុះនិងការយកផលកៅស៊ូគ្រួសារ
- ការគ្រប់គ្រងសិត្ថិកៅស៊ូធម្មជាតិ ការសិក្សាលក្ខណៈសម្បត្តិចម្ការកៅស៊ូគ្រួសារនៅខេត្តមណ្ឌលគិរី
- ការយកផលទឹកជ័រលើការយកផលទឹកជ័រកៅស៊ូ
- លទ្ធផលចម្ការបង្ហាញអំពីការអនុវត្តកសិកម្មល្អលើការយកផលទឹកជ័រ
- ជំងឺលើដំណាំកៅស៊ូ
- ជំងឺស្ងួតមុខចៀរនិងជំងឺផ្កាកុលាប
- ជំងឺកូរីណេស្ប៉រ៉ានិងជំងឺ Pestalotiopsis ។
បន្ទាប់ពីការធ្វើបទបង្ហាញរបស់វាគ្មិនរួចមក សិក្ខាកាមជាច្រើនបានលើកឡើងនូវសំណួរជាច្រើនរួមមាន៖
១-តើមានកត្តាសំខាន់ៗអ្វីខ្លះ ដែលជះឥទ្ធិពលដល់ការធ្លាក់ថ្លៃកៅស៊ូនៅលើពិភពលោកនាពេលបច្ចុប្បន្ន? និងត្រូវមានវិធានការដោះស្រាយយ៉ាងណាខ្លះចំពោះបញ្ហាខាងលើ?
២-ហេតុអ្វីបានជាយើងត្រូវប្រើប្រាស់កម្លាំងពលកម្មច្រើនក្នុងឆ្នាំទី១ ទី២ និងទី៣?
៣- ហេតុអ្វីបានជានៅក្នុងឆ្នាំទី៤ និងទី៥ មិន បានគិតថ្លៃដើមការដាក់ជី?
៤- តើយើងមានវិធីសាស្ត្រអ្វីខ្លះ ដើម្បីកាត់បន្ថយថ្លៃដើមនៃការដាំដុះដំណាំកៅស៊ូ?
៥-តើប្រទេសណាខ្លះដែលផលិតកៅស៊ូច្រើនជាងគេនៅលើពិភពលោក?
៦- តើយើងមានយន្តការដូចម្តេចខ្លះ ដើម្បីបង្កើនថ្លៃកៅស៊ូក្នុងការជួយដល់កសិករ?
៧- តើក្លូនកៅស៊ូមានប៉ុន្មានប្រភេទដែលកសិករពេញនិយមដាំដុះនៅក្នុងប្រទេសកម្ពុជា?
៨- តើយើងបង្កកជ័រដោយប្រើប្រាស់អាស៊ីត ស៊ុលផូរិចនិងអាស៊ីតហ្វកមិចមួយណាល្អជាងគេ? ហេតុអ្វី?
៩- តើការប្រើប្រាស់ជីលើដំណាំកៅស៊ូនៅក្នុងដំណាំកាលមួយណា ដើម្បីឱ្យដើមកៅស៊ូលូតលាស់បានល្អនិងចំណេញសេដ្ឋកិច្ច?
១០-សូមធ្វើការពន្យល់ពីគុណសម្បត្តិនិងគុណវិបត្តិក្នុងការប្រើប្រាស់ជីសរីរាង្គ និងជីគីមីលើដំណាំកៅស៊ូ?
១១-តើការប្រើប្រាស់ជីអាចធ្វើឱ្យទឹកជ័រកៅស៊ូមានការកើនឡើងឬទេ? ហើយជ័រកៅស៊ូកើតចេញពីផ្នែកណា?
១២-តើការប្រើប្រាស់ថ្នាំរំញោចលើដើមកៅស៊ូ យើងផ្អែកលើកត្តាអ្វីខ្លះ? តើវិធីសាស្រ្តលាបថ្នាំរំញោចទាំងបួនរបៀបមួយណាដែលងាយស្រួល ហើយមានប្រសិទ្ធភាពជាងគេ?
១៣- តើការប្រើប្រាស់ថ្នាំរំញោចលើដើមកៅស៊ូ យើងផ្អែកលើកត្តាអ្វីខ្លះ?
១៤- តើពេលវេលាចៀរជ័រមានឥទ្ធិពលលើទិន្នផលជ័រកៅស៊ូដែរឬទេ? ហេតុអ្វី?
១៥-តើមានបញ្ហាប្រឈមអ្វីខ្លះ ក្នុងការរៀបចំចម្ការបង្ហាញនៅខេត្តមណ្ឌលគិរី?
១៦-ហេតុអ្វីបានជាជ្រើសរើសយកខេត្តមណ្ឌលគិរីមកសិក្សា និងរៀបចំចម្ការបង្ហាញការយកផលទឹកជ័រកៅស៊ូ?
១៧-ប្រសិនបើអាកាសធាតុឡើងក្តៅខ្លាំង តើយើងមានវិធានការណ៍បង្ការអ្វីខ្លះ ដើម្បីការពារដើមកៅស៊ូ?
១៨-តើជំងឺជ្រុះស្លឹកប៊ិស្ទាឡូទីអូបស៊ីស (Pestalotiopsis Leaf fall) មាននៅប្រទេសកម្ពុជាហើយឬនៅ? ហើយមានថ្នាំសម្រាប់ព្យាបាលដែរឬទេ? បើមានជាប្រភេទថ្នាំអ្វីខ្លះ?
១៩-តើជំងឺផ្សិតសលើស្លឹកកៅស៊ូកើតឡើងក្នុងលក្ខខណ្ឌណា?
សន្និដ្ឋាននិងសំណូមពរ
តាមរយៈសិក្ខាសាលានេះ បានបង្ហាញឱ្យឃើញថា សិក្ខាកាម៖
