១.ទិដ្ឋភាពទូទៅនៃទីផ្សារកៅស៊ូធម្មជាតិក្នុងពាក់កណ្តាលចុងខែវិច្ឆិកា ឆ្នាំ២០២១

1. ​​ក្នុងតារាងទី១ បង្ហាញពីការពិនិត្យឡើងវិញដោយសង្ខេបអំពីដំណើរវិវត្តនៃថ្លៃកៅស៊ូធម្មជាតិនៅពាក់​កណ្តាលចុងខែវិច្ឆិកា ឆ្នាំ២០២១ ដោយប្រៀបធៀបទៅនឹងថ្លៃកៅស៊ូនៅក្នុងទីផ្សារសំខាន់ៗរួមមាន ​ទីផ្សារ​ទិញលក់ភ្លាមៗនិងទីផ្សារទិញលក់តាមកិច្ចសន្យាក្នុងតំបន់អាស៊ី នៅពាក់កណ្តាលដើមខែវិច្ឆិកា ឆ្នាំ២០២១​ ដែរ។

    តារាងទី១៖ តម្លៃកៅស៊ូធម្មជាតិក្នុងពាក់កណ្តាលចុងខែវិច្ឆិកា ឆ្នាំ២០២១ នៅទីផ្សារទិញលក់ភ្លាមៗ​ និងទីផ្សារទិញលក់តាមកិច្ចសន្យានៅតំបន់អាស៊ី

២.ទស្សនវិស័យ

2. ទីផ្សារកៅស៊ូធម្មជាតិក្នុងរយៈពេលខ្លីត្រូវបានរំពឹងថា នឹងបន្តទទួលបានការគាំទ្រពីការផ្គត់ផ្គង់បន្ទាន់ក្នុងរយៈពេលខ្លី។ ការផ្គត់ផ្គង់កៅស៊ូធម្មជាតិពិភពលោកត្រូវបាន     រំពឹងថា នឹងមានការធ្លាក់ចុះចាប់ពីខែធ្នូ ឆ្នាំ២០២១តទៅ​ អាស្រ័យដោយសារកត្តារដូវកាល។ តារាងទី២ បង្ហាញពីនិន្នាការប្រចាំខែដែលបានរំពឹងទុកក្នុងផលិតកម្មកៅស៊ូ   ធម្មជាតិនៅប្រទេសថៃ ឥណ្ឌូនេស៊ី វៀតណាម និងប្រទេសចិន ហើយប្រទេសទាំងនេះរួមគ្នាតំណាងឱ្យ ៧១% នៃការផ្គត់ផ្គង់កៅស៊ូពិភពលោក។

តារាងទី២៖ និន្នាការផលិតកម្មកៅស៊ូប្រចាំខែចាប់ពីខែតុលា ឆ្នាំ២០២១ រហូតដល់ខែកុម្ភៈ ឆ្នាំ២០២២ ('000 តោន)

3. ការ​នាំ​ចូល​កៅស៊ូ​ធម្មជាតិ​របស់​ប្រទេស​ចិន​ត្រូវបាន​​រំពឹង​ថា ​នឹង​កើន​ឡើង​ខ្ពស់​ក្នុង​អំឡុង​ខែ​ធ្នូ ឆ្នាំ​២០២១ និងក្នុង​ខែ​មករា ឆ្នាំ​២០២២ ដោយ​សារតែមាន​តម្រូវ​ការ​ខ្ពស់មុន​ពិធីបុណ្យ​ចូល​ឆ្នាំចិន។ ដោយមើលឃើញពីកង្វះខាតការផ្គត់ផ្គង់តាមរដូវ ស្របពេលជាមួយនឹងរដូវត្រជាក់ប្រចាំឆ្នាំសម្រាប់ដើមកៅស៊ូនៅក្នុងប្រទេសផលិតធំៗផង ក្រុមហ៊ុនផលិតកម្មរបស់ប្រទេសចិនត្រូវបានគេរំពឹងថា នឹងធ្វើការបង្កើនស្តុកកៅស៊ូធម្មជាតិឱ្យបានមុនថ្ងៃឈប់សម្រាកពេញមួយសប្តាហ៍ សម្រាប់ពិធីបុណ្យចូលឆ្នាំថ្មីដែលចូលមកដល់នៅថ្ងៃទី១ ខែកុម្ភៈខាងមុខនេះ។ ប្រទេសចិនរំពឹងថា ត្រូវការប្រើប្រាស់កៅស៊ូប្រមាណ ៥០០ ០០០តោន/ខែ ក្នុងអំឡុងខែធ្នូ ឆ្នាំ២០២១ និងខែមករា ឆ្នាំ២០២២ តារាងទី៣ បង្ហាញពីនិន្នាការដែលអាចកើតមានក្នុងការនាំចូលនិងប្រើប្រាស់កៅស៊ូធម្មជាតិប្រចាំខែនៅក្នុងប្រទេសចិន។

តារាងទី ៣៖ការនាំចូលនិងការប្រើប្រាស់កៅស៊ូធម្មជាតិនៅក្នុងប្រទេសចិន ('000 តោន)

4.សេដ្ឋកិច្ចកៅស៊ូពិភពលោកក្នុងឆ្នាំ២០២១ ទំនងជាបញ្ចប់ដោយសន្មតថា មានឱនភាពប្រមាណ២០០ ០០០តោន ក្នុងនោះការផ្គត់ផ្គង់ ពិភពលោកមាន ១៣,៨៨២ លានតោន និងតម្រូវការពិភពលោកមាន១៤,០៧៦លានតោន។ ទោះបីជាយ៉ាងណាក៏ដោយឱនភាពនេះបានរំពឹងទុកថា មិនមានទំហំធំឡើយ​បើប្រៀបធៀបទៅនឹងទំហំនៃទីផ្សារពិភពលោក ដោយសារតុល្យភាពនៃការផ្គត់ផ្គង់-តម្រូវការដែលលំអៀងនោះត្រូវបានទ្រទ្រង់ដោយទីផ្សារបាន។

5.ទោះបីជាទីផ្សារកៅស៊ូធម្មជាតិអាចនៅបន្តទទួលបានអំណោយផលល្អផ្អែកលើមូលដ្ឋានតម្រូវការ-ការផ្គត់ផ្គង់ក៏ដោយ ក៏កត្តាខាងក្រោមនេះអាចចូលមករារាំងដល់ការវិនិយោគកៅស៊ូនៅពេលអនាគតក្នុងរយៈពេលខ្លីផងដែរ៖

1. តម្លៃប្រាក់ដុល្លារសហរដ្ឋអាម៉េរិកទំនងជានឹងកើនឡើងក្នុងរយៈពេលខ្លី ដោយសារមានការកើនឡើងនៃសម្ពាធអតិផរណានិងទិន្នន័យ ទីផ្សារការងារជាវិជ្ជមានក្នុងសហរដ្ឋអាម៉េរិកដែលអាចជំរុញឱ្យធនាគារកណ្តាលអាម៉េរិកបង្កើនការរឹតបន្តឹងគោលនយោបាយ និងអាចដំឡើងអត្រាការប្រាក់គោលនយោបាយឱ្យបានឆាប់ជាងការរំពឹងទុកពីមុន។ នៅពេលប្រាក់ដុល្លារកាន់តែរឹងមាំ ជាទូទៅបានធ្វើឱ្យការវិនិយោគលើគ្រប់មុខទំនិញមិនសូវមានការទាក់ទាញឡើយ ហើយសម្រាប់កៅស៊ូធម្មជាតិក៏មានជោគវាសនាដូចគ្នានេះដែរ។
2. ការរឹតបន្តឹងថ្មី ដែលបានដាក់ឱ្យប្រើនៅពេញទូទាំងទ្វីបអឺរ៉ុបប្រឆាំងនឹងការរីករាលដាលនៃប្រភេទមេរោគ COVID-១៩ បំប្លែងខ្លួនថ្មី Omicron និងការព្រួយបារម្ភចំពោះលទ្ធផលលើទស្សនវិស័យនៃតម្រូវការប្រើប្រាស់កៅស៊ូធម្មជាតិអាចធ្វើឱ្យមានផលប៉ះពាល់អវិជ្ជ- មានលើទីផ្សារទិញលក់តាមកិច្ចសន្យា។ ក្តីបារម្ភជុំវិញសំពាធថ្មីនៃការរីករាលដាលដ៏មានសក្ដានុពលអាចបង្ខំពួកពាណិជ្ជករឱ្យរក្សាការប្រុងប្រយ័ត្នជាងមុន។
3. ទីផ្សារកៅស៊ូធម្មជាតិទំនងជាមិនទទួលបានការគាំទ្រពីទីផ្សារប្រេងឆៅក្នុងរយៈពេលខ្លីនោះទេ។ ទោះបីជាតម្រូវការប្រេងឆៅអាចកើនឡើងក្នុងរយៈពេលខ្លីដោយ សារមានតម្រូវការប្រេងក្នុងរដូវរងាខ្ពស់ក៏ដោយ ក៏វាត្រូវការសម្រាប់តែតម្លៃប្រេងប៉ុណ្ណោះ។ ទីផ្សារប្រេងឆៅទំនងជាត្រូវបានបន្ធូរបន្ថយដោយការបញ្ចេញឲ្យប្រើប្រាស់ប្រេងក្នុងស្តុកបំរុងខ្លួន ចំពោះបណ្តាប្រទេសសំខាន់ៗដែលជាអ្នកប្រើប្រាស់ប្រេង ការធ្លាក់ចុះនៃសកម្មភាពប្រើប្រាស់អនាគតប្រេងឆៅ ចំពេលមានការព្រួយបារម្ភអំពីសក្តានុពលនៃការរីករាលដាលបន្ថែមទៀតនៃជម្ងឺ COVID-១៩ ប្រភេទ Omicron និងការពង្រឹងតម្លៃប្រាក់ដុល្លារអាម៉េរិក។
4. តម្រូវការបរិក្ខារដើម (Original Equipment - OE) សម្រាប់សំបកកង់រថយន្តនិងគ្រឿងបន្លាស់រថយន្តនឹងនៅតែជាឧបសគ្គដោយ​ សារការជាប់គាំងជាបន្តបន្ទាប់នៅក្នុងឧស្សាហកម្មផលិតរថយន្តសកលបណ្តាលមកពីកង្វះខាតឧបករណ៍បន្ទះឈីបអេឡិកត្រូនិច ។

7.រយៈពេលខ្លីៗតាមរដូវដែលនឹងមកដល់នាពេលឆាប់ៗនេះនិងការកើនឡើងនូវតម្រូវការប្រទេស​ចិន។ ទោះជាយ៉ាងណាឥទ្ធិពលវិជ្ជមានៃកត្តាមូលដ្ឋានកាផ្គត់ផ្គង់-តម្រូវការអំណោយផលនឹងត្រូវបានផាត់សងមួយផ្នែក ដោយសារតែការពង្រឹងសក្តានុពលនៃប្រាក់ដុល្លារអាម៉េរិក ការរឹតបន្តឹងដែលត្រូវដាក់ប្រឆាំងនឹងការរីករាលដាលនៃជម្ងឺ COVID-១៩ ប្រភេទ Omicron  កង្វះសន្ទុះនៅក្នុងទីផ្សារប្រេងឆៅរួមនិងការប្រឈមមុខគ្នាជាបន្តបន្ទាប់នៅក្នុងវិស័យរថយន្ត ដោយសារតែកង្វះបន្ទះឈីប អេឡិកត្រូនិក៕

ក្រាហ្វិកទី១៖ ថ្លៃកៅស៊ូទិញលក់ភ្លាមៗប្រភេទ STR-20 នៅទីផ្សារបាងកកនិងថ្លៃកៅស៊ូ ទិញលក់ភ្លាមៗប្រភេទ SMR-20 នៅទីផ្សារគួរឡាឡាំពួរ (US$/100Kg)

ក្រាហ្វិកទី២៖ ថ្លៃកៅស៊ូទិញលក់ភ្លាមៗប្រភេទ RSS-3 នៅទីផ្សារបាងកកនិងថ្លៃកៅស៊ូទិញលក់ភ្លាមៗប្រភេទ RSS-4 នៅទីផ្សារកូតូយ៉ាម (US$/100Kg)

ក្រាហ្វិកទី៣៖ ថ្លៃទឹកជ័រខាប់ទិញលក់ភ្លាមៗនៅទីផ្សារគួឡាឡាំពួរ (US$/100Kg)

ក្រាហ្វិកទី៤៖ ថ្លៃកៅស៊ូទិញលក់តាមកិច្ចសន្យានៅទីផ្សារហ៊ុនសៀងហៃប្រចាំថ្ងៃសម្រាប់ខែឧសភា ឆ្នាំ២០២២ (យ័ន/តោន)

ក្រាហ្វិកទី៥៖ ថ្លៃកៅស៊ូទិញលក់តាមកិច្ចសន្យាប្រភេទ TSR-20 នៅទីផ្សារ​ហ៊ុន​ប្រទេស​សឹង្ហបុរីសម្រាប់ខែកុម្ភៈ ឆ្នាំ២០២២ (ដុល្លារសឹង្ហបុរី/១០០គ.ក្រ)

ក្រាហ្វិកទី៦៖ ថ្លៃកៅស៊ូទិញលក់តាមកិច្ចសន្យាប្រភេទ RSS-3 នៅទីផ្សារ​ហ៊ុន​​អូសាកាសម្រាប់ខែមេសា ឆ្នាំ២០២២ (ដុល្លារយេន/គ.ក្រ)

ក្រាហ្វិកទី៧៖ ឥទ្ធិពលប្រាក់ថៃ (ធៀប១០០បាត)

ក្រាហ្វិកទី៨៖​ ឥទ្ធិពលប្រាក់ម៉ាឡេស៊ី (ធៀប១០០រីងហ្គីដ)

ក្រាហ្វិកទី៩៖ និន្នាការថ្លៃប្រេងឆៅប្រភេទ Brent (USD$/បារ៉ែល)