ព័ត៌មានចុងក្រោយ
ការកើនឡើងនៃភាពតានតឹងភូមិសាស្ត្រនយោបាយនិងលក្ខខណ្ឌអាកាសធាតុមិនល្អ ជាពិសេសក្នុងរដូវខ្យល់មូសុងក្នុងបណ្តាប្រទេសផលិតកៅស៊ូធម្មជាតិ (NR) ដូចជាប្រទេសថៃបានដើរតួនាទីយ៉ាង សំខាន់លើការប្រែប្រួលទីផ្សារ។ ការកើនឡើងទឹកភ្លៀង នាំឲ្យមានទឹកជំនន់ភ្លាមៗនិងការកាប់បំផ្លាញព្រៃឈើ ជាពិសេសនៅក្នុងប្រទេសថៃបានជះឥទ្ធិពលអាក្រក់ដល់ផលិតកម្មកៅស៊ូ។ កត្តាទាំងនេះបានជំរុញឱ្យតម្លៃកៅស៊ូ កើនឡើងលើសពី ១,៣០ដុល្លារ/គីឡូក្រាម ដោយសារក្តីបារម្ភនៃការផ្គត់ផ្គង់លើសក្នុងអំឡុងពេលនេះ។
ក្នុងអំឡុងខែតុលា ឆ្នាំ២០២៣នេះ ស្ថានភាពកៅស៊ូធម្មជាតិនៅប្រទេសកម្ពុជាបានបង្ហាញថាផ្ទៃដីកៅស៊ូសរុបមានចំនួន ៤០៤ ៥៧៨ហិកតា ក្នុងនោះផ្ទៃដីចៀរជ័រមានចំនួន ៣១៥ ៣៣២ហិកតា ស្មើនឹង៧៨% និងផ្ទៃដីថែទាំមានចំនួន ៨៩ ២៤៦ហិកតា ស្មើនឹង ២២%។ បរិមាណផលិតផលសរុបក្នុងខែនេះមានចំនួន ៤១ ១៥២តោន បានកើនឡើងចំនួន ៣ ៧២៦តោន (=+១០%) បើធៀបនឹងខែមុននិងបានថយចុះចំនួន ៥៣៧តោន ៤១ ១៧៥ តោន បានកើនឡើងចំនួន ៣ ៨៩តោន (=+៩,៨៤%) ធៀបនឹងខែមុន និងបានកើនឡើងចំនួន ៨០៨តោន (=+២%) បើធៀបនឹងរយៈពេលដូចគ្នានៃឆ្នាំមុន។ ថ្លៃលក់ជាមធ្យមគឺ ១ ៣៥២US$/តោន បានកើនឡើងចំនួន ៤៩US$/តោន ស្មើនឹង (=+៣,៧៣%) បើធៀបនឹងខែមុននិងបានកើនឡើងចំនួន ៩០US$/តោន (=+៧%) បើធៀបនឹងរយៈពេលដូចគ្នានៃឆ្នាំមុន៕