១.និន្នាការថ្លៃកៅស៊ូធម្មជាតិនៅតាមបណ្តាទីផ្សារហ៊ុន (Futures Market)

យោងតាមអ្នកវិភាគជាច្រើនបានឲ្យដឹងថាថ្លៃទិញលក់កៅស៊ូតាមកិច្ចសន្យានៅទីផ្សារហ៊ុនសៀងហៃ អូសាកា និងសឹង្ហបុរីបានបង្ហាញនិន្នាការ កើនឡើងដូចគ្នាក្នុងអំឡុងខែសីហា។ បើទោះបីជា​​ ជាក់ស្តែងសូចនាករកត្តាមូលដ្ឋាននិងបច្ចេកទេសបានបង្ហាញពីនិន្នាការតានតឹងក៏ដោយ។ ផ្នែកតម្រូវការកៅស៊ូមានក្តីបារម្ភជាច្រើន ដោយសារសេដ្ឋកិច្ចចិនដែលជាអ្នកប្រើប្រាស់កៅស៊ូធម្មជាតិធំជាងគេ ដោយមានសន្និធិកៅស៊ូកាន់តែខ្ពស់ បានបង្ខំឲ្យថ្លៃកៅស៊ូពិភពលោកធា្លក់ចុះនៅក្នុងខែសីហានេះ។ លើសពីនេះ អ្នកវិភាគ​មួយ​​ចំនួនបានព្យាករណ៍ថា​ការធ្លាក់ចុះនៃប្រាក់យ័ននឹងធ្វើឲ្យមាននការបន្ធូរបន្ថយគោល​នយោបាយរូបិយវត្ថុចិនរបស់ធនាគារកណ្តាលដែលបានរួមចំណែកដល់ការបង្កើនការចាប់អារម្មណ៍ក្នុងការទិញកៅស៊ូ និងគាំទ្រការងើបឡើងវិញតម្លៃកៅស៊ូរហូតដល់ចុងខែ។

ថ្លៃទិញលក់កៅស៊ូតាមកិច្ចសន្យានៅទីផ្សារហ៊ុនសៀងហៃសម្រាប់ខែមករា ឆ្នាំ២០២៤ មានចំនួន ១៣ ០២៣យ័ន/តោន បានកើនឡើង ៦,៦% បើធៀបនឹងមុន ឆ្នាំ២០២៣ មានចំនួន ១២ ២១៧យ័ន/តោន។ លើសពីនេះទៅទៀត ថ្លៃទិញលក់កៅស៊ូតាមកិច្ចសន្យានៅទីផ្សារហ៊ុនសៀង​ហៃក្នុងសប្តា​ហ៍ដំបូង​មានចំនួន ៣៦០ ៨៧២។ និន្នាការនៃថ្លៃទិញលក់កៅស៊ូតាមកិច្ចសន្យានៅទីផ្សារហ៊ុនសៀងហៃ​ក្នុងខែសីហា ត្រូវបានបង្ហាញនៅក្នុងក្រាហ្វិកខាងក្រោម។

ក្រាហ្វិកទី១៖ និន្នាការថ្លៃកៅស៊ូទិញលក់តាមកិច្ចសន្យានៅទីផ្សារហ៊ុនសៀងហៃ​ប្រចាំថ្ងៃ សម្រាប់ខែមករា ឆ្នាំ២០២៤ ក្នុងអំឡុងខែសីហា ឆ្នាំ២០២៣

សន្និធិកៅស៊ូប្រចាំសប្តាហ៍នៅទីផ្សារហ៊ុនសៀងហៃក្នុងអំឡុងខែសីហា មានចំនួន ២០១ ៦៨០តោន បានកើនឡើង ៨,៦%  បើធៀបនឹងខែកក្កដា ដែលមានចំនួន ១៨៥ ៦៩៥តោន។ ក្រាហ្វិកខាងក្រោមនឹង​បង្ហាញពីសនិ្នធិកៅស៊ូប្រចាំសប្តាហ៍នៅទីផ្សារហ៊ុនសៀងហៃ។

ក្រាហ្វិកទី២៖ សនិ្នធិកៅស៊ូប្រចាំសប្តាហ៍នៅទីផ្សារហ៊ុនសៀងហៃក្នុងអំឡុងខែកក្កដា និងសីហា

 ក្នុងអំឡុងខែសីហា  ឆ្នាំ២០២៣នេះ  ថ្លៃកៅស៊ូ TSR-20  ទិញលក់តាមកិច្ចសន្យាសម្រាប់ខែតុលា នៅទីផ្សារសឹង្ហបុរីបង្ហាញពីនិន្នាការដូចគ្នានឹងថ្លៃកៅស៊ូទិញលក់តាមកិច្ចសន្យា​នៅទីផ្សារហ៊ុនសៀងហៃ។ ថ្លៃកៅស៊ូ TSR-20 ទិញលក់កៅស៊ូតាមកិច្ចសន្យាសម្រាប់ខែតុលា ជាមធ្យមគឺ ១,២៩$/គ.ក្រ។ ថ្លៃកៅស៊ូ TSR-20 នឹងបង្ហាញក្នុងក្រាកខាងក្រោម។

ក្រាហ្វិកទី៣៖ ថ្លៃកៅស៊ូ TSR-20 ទិញលក់តាមកិច្ចសន្យាសម្រាប់ខែតុលា នៅទីផ្សារហ៊ុនសឹង្ហបុរី

ក្រាហ្វិកខាងក្រោម នឹងបង្ហាញពីនិន្នាការថ្លៃកៅស៊ូ RSS-3 ទិញលក់តាមកិច្ចសន្យនៅទីផ្សារហ៊ុនអូសាកាក្នុងអំឡុងខែសីហា ឆ្នាំ២០២៣នេះ។ ថ្លៃកៅស៊ូ RSS-3 ទិញលក់តាមកិច្ចសន្យានៅទីផ្សារហ៊ុនអូសាកា មាននិន្នាការដូចគ្នានឹងថ្លៃកៅស៊ូទិញលក់តាមកិច្ចសន្យានៅទីផ្សារហ៊ុនសៀង ហៃផងដែរ។ ថ្លៃកៅស៊ូ RSS-3 ទិញលក់តាមកិច្ចសន្យានៅទីផ្សារហ៊ុនអូសាកាសម្រាម់ខែមករា ឆ្នាំ២០២៤ ក្នុងអំឡុងខែសីហា គិតជាមធ្យម ២០១យ៉េន/គ.ក្រ បានធ្លាក់ចុះ ១,១% បើធៀបនឹងខែកក្កដា ថ្លៃកៅស៊ូទិញលក់តាមកិច្ចសន្យា នៅទីផ្សារហ៊ុនអូសាកាសម្រាម់ខែធ្នូ ឆ្នាំ២០២៣ គិតជាមធ្យម ២០៣យ៉េន/គ.ក្រ។

កៅស៊ូសន្លឹក RSS-3 មានកំណើនទីផ្សាទាប បើប្រៀបធៀបទៅនឹងទីផ្សារកៅស៊ូដុំ TSR-20។ ការស្ទុះងើបឡើងវិញនៅក្នុងទីផ្សារហ៊ុន អូសាកាត្រូវបានជំរុញដោយសារការទិញទុកនិងប្រាក់យ៉េនជប៉ុនបានធ្លាក់ចុះ ដូចដែលបានលើកឡើងនៅក្នុងរបាយការណ៍ទិញលក់តាមកិច្ចសន្យានៅទីផ្សារហ៊ុនអូសាកាប្រចាំសប្តាហ៍។

ក្រាហ្វិកទី៤៖ ថ្លៃកៅស៊ូសន្លឹក RSS-3 ទិញលក់តាមកិច្ចសន្យានៅទីផ្សារហ៊ុនអូសាកា សម្រាប់ខែមករា ឆ្នាំ២០២៤

២.និន្នាការថ្លៃកៅស៊ូធម្មជាតិនៅតាមបណ្តាទីផ្សារទិញលក់ភ្លាមៗ (Physical Market)

ថ្លៃកៅស៊ូដុំជាមធ្យមបានធ្លាក់ចុះរយៈពេល៣ខែជាប់ៗគ្នា ចាប់តាំងពីខែមិថុនាមកម្លេះ។ នៅទីផ្សារគួឡាឡាំពួរថ្លៃកៅស៊ូ SMR-20 ទិញលក់ភ្លាមៗគិតជាមធ្យម ១,៣០$/គ.ក្រ បានធ្លាក់ចុះ ០,០១% ខណៈពេលដែលនៅទីផ្សារបាងកកថ្លៃកៅស៊ូ STR-20 ទិញលក់ភ្លាមៗគិតជាមធ្យម ១,៣៧$/គ.ក្រ បានធ្លាក់ចុះ ០,០៥% បើធៀបនឹងរយៈពេលដូចគ្នា។  តម្លៃកៅស៊ូដុំជាមធ្យមនៅក្នុងទីផ្សារសំខាន់ៗ ត្រូវបានសង្ខេបនៅក្នុងតារាងទីខាងក្រោម៖

តារាងទី១៖ ថ្លៃកៅស៊ូដុំទិញលក់ភ្លាមៗនៅទីផ្សារគួឡាឡាំពួរនិងបាងកកក្នុងអំឡុងខែកក្កដា និងសីហា ឆ្នាំ២០២៣

ក្រាហ្វិកទី៥៖ ថ្លៃកៅស៊ូ STR-20 ទិញលក់ភ្លាមៗនៅទីផ្សារគួឡាឡាំពួរ និងថ្លៃកៅស៊ូ SMR-20 ទិញលក់ភ្លាមៗនៅទីផ្សារបាងកក ក្នុងអំឡុងខែសីហា ឆ្នាំ២០២៣

ថ្លៃកៅស៊ូសន្លឹក RSS-3 ទិញលក់ភ្លាមៗនៅទីផ្សារបាងកកនិ​ង RSS-4 នៅក្នុងទីផ្សារកូតូយ៉ាមបាន បង្ហាញពីនិន្នាការធ្លាក់ចុះក្នុងអំឡុងដូចគ្នា បើធៀបនឹងថ្លៃកៅស៊ូដុំទិញលក់តាមកិច្ចសន្យា។ ក្នុងខែសីហា ថ្លៃកៅស៊ូសន្លឹក RSS-3 ទិញលក់ភ្លាមៗនៅទីផ្សារបាងកកគិតជាមធ្យម ១,៥៥$/គ.ក្រ បានធ្លាក់ចុះ ៤,៩% បើធៀបនឹងខែកក្កដា ថ្លៃកៅស៊ូ RSS-3 គិតជាមធ្យម ១,៦៣$/គ.ក្រ។ ចំពោះកៅស៊ូសន្លឹក RSS-4 នៅ ទីផ្សារកូតូយ៉ាមគិតជាមធ្យម ១,៧៨$/គ.ក្រ បានធ្លាក់ចុះ ៤,៨% បើធៀបនឹងខែមុន ថ្លៃកៅស៊ូ RSS-4 គិតជាមធ្យម ១,៨៧$/គ.ក្រ។ និន្នាការថ្លៃកៅស៊ូសន្លឹក RSS-3 ទិញលក់ភ្លាមៗនៅទីផ្សារបាងកក និងថ្លៃកៅស៊ូ RSS-4 នៅទីផ្សារកូតូយ៉ាមក្នុងខែសីហា ត្រូវបានបង្ហាញក្នុងក្រាហ្វិកខាងក្រោម.

តារាងទី២៖ ថ្លៃកៅស៊ូសន្លឹកទិញលក់ភ្លាមៗនៅទីផ្សារបាងកកនិងកូតូយ៉ាមនៅអំឡុងខែសីហា ឆ្នាំ២០២៣

ក្រាហ្វិកទី៦៖ ថ្លៃកៅស៊ូសន្លឹក RSS-3 នៅទីផ្សារបាងកក និងកៅស៊ូសន្លឹក RSS-4 នៅទីផ្សារកូតូយ៉ាក្នុងអំឡុងខែសីហា ឆ្នាំ២០២៣

ក្នុងអំឡុងខែសីហា ឆ្នាំ២០២៣នេះ ថ្លៃទឹកជ័រខាប់កំហាប់ DRC ៦០% ទិញលក់ភ្លាមៗនៅទីផ្សារគួរឡាឡាំពួរគិតជាមធ្យម ១,០០$/គ.ក្រ ត្រូបានបង្ហាញលម្អិតក្នុងក្រាហ្វិកខាងក្រោម។

តារាងទី៣៖ ថ្លៃទឹកកៅស៊ូជ័រខាប់នៅទីផ្សារគួរឡាឡាំពួរ

ថ្លៃទឹកជ័រកៅស៊ូខាប់ទិញលក់ភ្លាមៗនៅទីផ្សារគួរឡាឡាំពួរក្នុងខែសីហាគិតជាមធ្យម ១,០៤$ /គ.ក្រ បានធ្លាក់ចុះពី ៣.៧% បើធៀបនឹងខែកក្កដា គិតជាមធ្យម ១,៨$/គ.ក្រ។

ក្រាហ្វិកទី៧៖ ថ្លៃទឹកជ័រកៅស៊ូខាប់ ទិញលក់ភ្លាមៗនៅទីផ្សារគួឡាឡាំពួរក្នុងអំឡុងខែសីហា ឆ្នាំ២០២៣

៣.ទស្សនវិស័យកៅស៊ូក្នុងរយៈពេលខ្លី

របាយ​ការណ៍​មួយ​ចំនួន​បាន​បង្ហាញ​ពី​ការ​ធ្លាក់​ចុះ នៃ​ក្នុង​ទីផ្សារកៅស៊ូធម្មជាតិក្នុង​ប៉ុន្មាន​ខែ​ខាង​មុខ ​ដូច​ខាង​ក្រោម៖

• ការរំពឹងទុកនៃអត្រាអតិផរណាដោយធនាគារកណ្តាល (Fed) នៅមុនដំណាច់ឆ្នាំនេះ បើទោះបីជាការផ្អាករបស់ Fed នៅក្នុងខែកញ្ញា ដែលផ្តល់ការធូរស្រាលខ្លះសម្រាប់វិស័យហិរញ្ញវត្ថុ ដែលមានភាព តានតឹងនិងទីផ្សារភាគហ៊ុនដែលធ្លាក់ចុះក៏ដោយ
• ភាពតានតឹងភូមិសាស្ត្រនយោបាយនៅតែបន្តរវាងអ៊ុយក្រែន-រុស្ស៊ី អាម៉េរិក-ចិន និងប្រទេសដទៃទៀត នឹងផលប៉ះពាល់ជាអវិជ្ជមានលើការអភិវឌ្ឍន៍សេដ្ឋកិច្ចនៃប្រទេសសំខាន់ៗទាំងនេះសម្រាប់សេដ្ឋកិច្ចពិភពលោក
• ទស្សនវិស័យពិភពលោកសម្រាប់គោលនយោបាយរូបិយវត្ថុ ដែលមានភាពមិនច្បាស់លាស់នឹងជះឥទ្ធិពលដល់កិច្ចការក្នុងស្រុក​ និងលក្ខខណ្ឌសេដ្ឋកិច្ច។ ជាឧទាហរណ៍ វានឹងមានឥទ្ធិពលលើភាពខ្លាំងនៃរូបិយប័ណ្ណបើធៀបនឹងប្រាក់ដុល្លារអាម៉េរិក ដែលចុងក្រោយនាំឱ្យតម្លៃធ្លាក់ចុះ ដោយសារការធ្លាក់ថ្លៃនៃរូបិយប័ណ្ណរបស់ប្រទេសនាំចេញធៀបនឹងប្រាក់ដុល្លារ។

ទោះជាយ៉ាងណាក៏ដោយ ទីផ្សារកៅស៊ូធម្មជាតិនៅតែមានរំញោចជាវិជ្ជមានដូចខាងក្រោម:

• នៅក្នុងខែកញ្ញា ផលិតកម្មកៅស៊ូធម្មជាតិពិភពលោកត្រូវបានព្យាករណ៍ថា នឹងមានបរិមាណចំនួន ១,៤១៦លានតោន បានកើនឡើង ២%ខណៈ ដែលតម្រូវការកៅស៊ូធម្មជាតិពិភពលោកវិញត្រូវបានរំពឹងថា នឹងមានបរិមាណចំនួន ១,៣៥៨លានតោនដែលបានកើនឡើង ៣% ជារៀងរាល់ឆ្នាំ។ ដោយសារតម្រូវការកៅស៊ូកំពុងកើនឡើងលឿនជាងផលិតកម្មកៅស៊ូ នេះជាកត្តាជំរុញឲ្យទីផ្សារកៅស៊ូធម្មជាតិទទួលបានផលវិជ្ជមាន
• សុទិដ្ឋិនិយមទាក់ទងនឹងប្រទេសដែលប្រើប្រាស់កៅស៊ូធម្មជាតិធំៗទាំងពីរ ជាពិសេសសេដ្ឋកិច្ចចិនគឺជាអ្នកប្រើប្រាស់កៅស៊ូធម្មជាតិដ៏សំខាន់បំផុតមួយ  ដែលជាលទ្ធផលនៃកិច្ចខិតខំប្រឹងប្រែងជាបន្តបន្ទាប់របស់រដ្ឋាភិបាលចិនក្នុងការជំរុញសេដ្ឋកិច្ចក្នុងស្រុករបស់ខ្លួន
• តម្លៃប្រេងឆៅរបស់ក្រុមហ៊ុន Brend នឹងបង្ហាញពីទស្សនៈវិស័យជាវិជ្ជមានដែលអាចមានឥទ្ធិពលយ៉ាងខ្លាំងទៅលើមុខទីផ្សារទំនិញ៕