1.ការធ្លាក់ចុះជាបន្តបន្ទាប់នៃការផ្គត់ផ្គង់កៅស៊ូធម្មជាតិពិភពលោកត្រូវបានរំពឹងទុកថា​ នឹងកើតមានចាប់ពីចុងខែមករា ឆ្នាំ២០២២នេះ ដោយ​ សារតែវាជារដូវកៅស៊ូជ្រុះស្លឹកប្រចាំឆ្នាំនិងជារដូវត្រជាក់សម្រាប់ដើមកៅស៊ូផង។ តារាងទី១ ខាងក្រោមបង្ហាញពីនិន្នាការប្រចាំខែដែលរំពឹងទុកក្នុងការផលិតកៅស៊ូធម្មជាតិនៅក្នុងប្រទេសថៃ ឥណ្ឌូនេស៊ី វៀតណាម ចិន ឥណ្ឌា ម៉ាឡេស៊ី និងប្រទេសកម្ពុជា ដែលទាំងអស់គ្នាតំណាងឱ្យប្រមាណ ៨៣% នៃការផ្គត់ផ្គង់កៅស៊ូពិភពលោក។ បើនិយាយឱ្យកាន់តែច្បាស់លាស់តម្លៃកៅស៊ូធម្មជាតិក្នុងរយៈពេលប៉ុន្មានខែខាងមុខនេះ អាចទទួលបានការគាំទ្រពីការផ្គត់ផ្គង់រួមតូចតាមរដូវកាល ហើយដែលនឹងមានឥទ្ធពលកាន់តែខ្លាំងឡើងចាប់ពីខែកុម្ភៈតទៅ។  

តារាងទី១៖ និន្នាការប្រចាំខែក្នុងផលិតកម្មចាប់ពីខែតុលា ឆ្នាំ២០២១ ដល់ខែកុម្ភៈ ឆ្នាំ២០២២ (000តោន)

2.ទោះបីជាមានការរឹតបន្តឹងសំដៅទប់ស្កាត់ប្រឆាំងនឹងការផ្ទុះឡើងជាថ្មីនៃជំងឺកូវីដ១៩ នៅក្នុងខេត្តមួយចំនួនក៏ដោយ ក៏វិស័យផលិតកម្មទំនិញធ្វើពីកៅស៊ូរបស់ប្រទេសចិនបាន​ បង្ហាញលទ្ធផលដ៏រឹងមាំក្នុងអំឡុងខែវិច្ឆិកា ឆ្នាំ២០២១។ ការនាំចេញសំបកកង់យានយន្តរបស់ប្រទេសចិនបានកើនឡើង ៩% កាលពីខែវិច្ឆិកា ឆ្នាំ២០២១ បើធៀបនឹងខែដូចគ្នាកាលពីឆ្នាំមុន។ ប្រទេសចិនត្រូវបានគេរំពឹងថា នឹងត្រូវប្រើ​ប្រាស់​កៅស៊ូធម្មជាតិចំនួន ៥១០ ០០០តោន ក្នុងកំឡុងខែមករា ឆ្នាំ២០២២នេះ។ ដោយសារតែកង្វះ​ផលិត​កម្ម​កៅស៊ូធម្មជាតិនៅក្នុងស្រុកផ្ទាល់ក្នុងអំឡុងពេលបីខែនេះ ពោលគឺចាប់ពីខែមករា-ខែមីនា ប្រទេសចិន​ត្រូវ​ការ​នាំចូល​បរិមាណកៅស៊ូដែលត្រូវការនេះទាំងស្រុងក្នុងអំឡុងពេលបីខែនេះ​ ​ដើម្បីផ្គត់ផ្គង់ដល់​ក្រុម​ហ៊ុន​ផលិតកម្មដែលកំពុងដំណើរការនៅក្នុងប្រទេស។ គេរំពឹងថាប្រទេសចិននឹងត្រូវនាំចូលកៅស៊ូធម្មជាតិចំនួន ៥០៧​ ០០០តោន ក្នុងខែមករា ឆ្នាំ២០២២ គឺឱ្យបានមុនថ្ងៃបុណ្យចូលឆ្នាំថ្មីដែលនឹងចូលមកដល់នៅថ្ងៃទី១ ខែកុម្ភៈនេះ។ ដូចដែលបានចង្អុលបង្ហាញនៅក្នុងការចេញផ្សាយលេខមុននេះរួចហើយថា ក្រុមហ៊ុនចិននឹងបង្កើនបរិមាណស្តុកកៅស៊ូធម្មជាតិរបស់ខ្លួនឡើងវិញ នៅមុនថ្ងៃឈប់សម្រាកពេញមួយសប្តាហ៍សម្រាប់បុណ្យចូលឆ្នាំថ្មី។ ដូច្នេះតម្រូវការកៅស៊ូនៅប្រទេសចិនត្រូវបានរំពឹងថា នឹងនៅតែមានកម្លាំងខ្លាំងយ៉ាងហោចណាស់រហូតដល់សប្តាហ៍ទី៣ នៃខែមករា។

តារាងទី២ បង្ហាញពីនិន្នាការនៃការនាំចូលនិងការប្រើប្រាស់ កៅស៊ូធម្មជាតិប្រចាំខែនៅក្នុងប្រទេសចិន ('000 តោន)

3.តម្លៃកៅស៊ូធម្មជាតិក្នុងរយៈពេលខ្លីត្រូវបានរំពឹងថា នឹងត្រូវបានគាំទ្រដោយតម្រូវការខ្ពស់ពីប្រទេសចិននិងការធ្លាក់ចុះ នៃការផ្គត់ផ្គង់កៅស៊ូពិភពលោកដោយកត្តារដូវកាល។ ទោះជាយ៉ាងណា តម្រូវការអាចធ្លាក់ចុះវិញ យ៉ាងហោចណាស់ក៏រយៈពេល១០ថ្ងៃ ចាប់ពីសប្តាហ៍ចុងក្រោយនៃខែមករា ដោយសារថ្ងៃឈប់សម្រាកដ៏យូរសម្រាប់ពិធីបុណ្យចូលឆ្នាំថ្មីរបស់ប្រជាជនចិន។

4.ឆ្នាំថ្មីចូលមកដល់ការផលិតកៅស៊ូធម្មជាតិរបស់ពិភពលោកត្រូវបានព្យាករណ៍ថា នឹងកើនឡើង ដល់៥,៦% ក្នុងឆ្នាំ២០២២ គឺដល់បរិមាណ ១៤,៦លានតោន (ការប៉ាន់ប្រមាណជាបឋមពីផលិតកម្មពិភពលោកក្នុងឆ្នាំ២០២១=១៣,៨២១លានតោន)។​ សរុបមកផលិតកម្មសកលត្រូវបានរំពឹងថា នឹងកើនឡើង ៧៨០ ០០០តោន នៅឆ្នាំ២០២២។ ការកើនឡើងនេះនឹងត្រូវបានរួមចំណែកយ៉ាងធំធេងដោយការពង្រីកយ៉ាងសន្ធឹកសន្ធាប់នៃផ្ទៃដីដែលមានដើមកៅស៊ូពេញវ័យចៀរជ័រ។ ផ្ទៃដីសកលដែលមានដើមកៅស៊ូពេញវ័យ​ចៀរ​ជ័រ​​ត្រូវបានរំពឹងថា នឹងពង្រីកបន្ថែមប្រហែល ២៥០​ ០០០ហិកតាក្នុងឆ្នាំ២០២២ ដោយសារតែមានអត្រាដាំដុះខ្ពស់កាលពី៧ឆ្នាំមុន។

5.ការប្រើប្រាស់កៅស៊ូពិភពលោកត្រូវបានរំពឹងថា នឹងកើនឡើងក្នុងអត្រាចន្លោះពី ៤% ទៅ ៥% ក្នុងឆ្នាំ២០២២។ ការប្រើប្រាស់កៅស៊ូដែលបានរំពឹងទុកសម្រាប់ឆ្នាំ២០២២ ចំនួន ១៤,៧លានតោន ដែលតំណាងឱ្យការកើនឡើងចំនួន ៤,៤% ពីឆ្នាំ២០២១(ការប៉ាន់ប្រមាណជាបឋមនៃការប្រើប្រាស់ពិភពលោក= ១៤,០៧៩លានតោន)។

6.ការផ្គត់ផ្គង់កាន់តែខ្ពស់ដែលរំពឹងថាកើតមាននៅក្នុងឆ្នាំថ្មី ដោយសារការពង្រីកយ៉ាងសន្ធឹកសន្ធាប់ នៃផ្ទៃដីដែលមានដើមកៅស៊ូពេញវ័យចៀរ ជ័រទំនងជាត្រូវបានស្រូបយកដោយកំណើនដ៏រឹងមាំ នៃតម្រូវការប្រើប្រាស់កៅស៊ូវិញដែរ។ ​ ដើម្បីឱ្យកាន់តែជាក់ច្បាស់យើងអាចរំពឹងទុកថា ស្ថានភាពតម្រូវការ-ការផ្គត់ផ្គង់​

7.ទស្សនវិស័យលើផលិតកម្មពិភពលោកអាចប្រឈមនឹងហានិភ័យធ្លាក់ចុះ ដោយសារការប្រែប្រួលអាកាសធាតុដែលអាចជះឥទ្ធិពលលើការផ្គត់ផ្គង់តាមរយៈការបាត់បង់ថ្ងៃ ចៀរជ័រ ក៏ដូចជាការធ្លាក់ចុះនៃទិន្នផលជ័រក្នុងមួយដើម។ វាក៏អាចមានហានិភ័យធ្លាក់ចុះផងដែរ ចំពោះការប្រើប្រាស់កៅស៊ូពិភពលោកដោយសារសន្ទុះនៃការងើបឡើងវិញ នៃសេដ្ឋកិច្ចសកលអាចត្រូវបានរារាំងដោយការរីករាលដាល នៃមេរោគកូវីតនិងដោយសារកត្តាភូមិសាស្ត្រនយោបាយផងដែរ។

8.ដោយសារកត្តាស្តីពីការផ្គត់ផ្គង់-តម្រូវការតម្លៃកៅស៊ូធម្មជាតិក្នុងឆ្នាំថ្មីអាចរំពឹងថានឹងមានសម្ពាធធ្លាក់ចុះចេញពីប្រភពយ៉ាងហោចណាស់បី៖

1. គេរំពឹងថា ធនាគារកណ្តាលនៃប្រទេសជាច្រើននឹងដំឡើងអត្រាការប្រាក់គោលនយោបាយនៅក្នុងឆមាសទីមួយនៃឆ្នាំ២០២២ ចំពេលមានការកើនឡើងសម្ពាធអតិផរណា។ លទ្ធផល​តម្លៃ ប្រាក់​កំចីខ្ពស់​អាច​ធ្វើ​ឱ្យ​ការ​វិនិយោគ​​ក្នុង​រាល់មុខទំនិញ​មិន​សូវ​ទាក់ទាញ​ខាង​សេដ្ឋកិច្ចឡើយ។
2. តម្លៃប្រាក់ដុល្លារទំនងជាកើនឡើងនៅឆមាសទី១នៃឆ្នាំ២០២២ ដោយគេគិតថានាគារកណ្តាលអាម៉េរិកនឹងបញ្ចប់កម្មវិធីទិញមូលបត្របំណុលដ៏ធំរបស់ខ្លួននៅខែមិថុនា ហើយនឹងចាប់ផ្តើមដំឡើងអត្រាការប្រាក់គោលនយោបាយចាប់ពីពាក់កណ្តាលឆ្នាំ។ ប្រាក់ដុល្លារកាន់តែរឹងមាំជា រឿយៗបានរារាំងដល់ការវិនិយោគនៅក្នុងមុខទំនិញ។
3. តម្លៃប្រេងឆៅទំនងជាមិនកើនឡើងបន្ថែមទៀតទេនៅក្នុងឆ្នាំថ្មីនេះ ដោយសារតែក្រុមប្រទេស OPEC+ ប្រកាសថានឹងដកកម្មវិធីកាត់បន្ថយផលិតកម្មរបស់ខ្លួនជាបណ្តើរៗ ដោយចាប់ផ្តើមពីខែមករា ឆ្នាំ២០២២។ ប្រេងឆៅត្រូវបានគេរំពឹងថា នឹងមានតម្លៃជាមធ្យម ៧០ដុល្លារ/បារ៉ែលក្នុងឆ្នាំ២០២២ ដែល​ទាប​​ជាងបន្តិចគឺ៧០,៦ដុល្លារ/បារ៉ែលក្នុងឆ្នាំ២០២១ នេះបើយោងតាម "ទស្សនវិស័យថាមពលរយៈពេលខ្លី" ដែលចេញផ្សាយដោយរដ្ឋបាលព័ត៌មានថាមពលសហរដ្ឋអាម៉េរិកនៅក្នុងខែធ្នូ ឆ្នាំ២០២១។ការ​ឡើង​ថ្លៃ​នៃ​ប្រាក់​ដុល្លារ​និង​អត្រា​ការ​ប្រាក់​ខ្ពស់​ក៏​អាច​មាន​ទម្ងន់​លើ​ទីផ្សារ​ប្រេងឆៅផង​ដែរ។ ដើម្បីឱ្យកាន់​តែជាក់​ច្បាស់កៅស៊ូធម្មជាតិទំនងជាមិនទទួលបានការគាំទ្រពីការកើនឡើងនៃទីផ្សារប្រេងឆៅនៅក្នុងឆ្នាំថ្មីនោះទេ

9.សរុបមកតម្លៃកៅស៊ូធម្មជាតិពិភពលោកក្នុងឆ្នាំថ្មីនេះ នឹងត្រូវបានកំណត់ជាទូទៅដោយស្ថានភាពនៃតម្រូវការ-ការផ្គត់ផ្គង់ស្ទើរតែមានតុល្យ- ភាពនឹងគ្នា។ សេណារីយ៉ូនៃតម្រូវការ-ការផ្គត់ផ្គង់ពិភពលោកដែលកំពុងរីកចម្រើននេះ យើងមើលមិនឃើញនូវលទ្ធភាពនៃការឡើង ឬការធ្លាក់ចុះនៃតម្លៃកៅស៊ូធម្មជាតិនោះទេ។ យើង​រំពឹង​ថា តម្លៃ​នឹង​ដំណើរការ​ល្អ​នៅ​ក្នុង​ឆមាស​ទី​ពីរ​នៃ​ឆ្នាំ​នេះ ​បើ​ធៀប​នឹង​ឆមាស​ទី​មួយ​។ នេះគឺដោយ សារតែតម្លៃនៅក្នុងឆមាសទីមួយត្រូវទទួលរងផលប៉ះពាល់ដោយការរឹតបន្តឹងគោលនយោបាយ របស់ធនាគារកណ្តាលតម្លៃប្រាក់កំខ្ចីខ្ពស់និងតម្លៃប្រាក់ដុល្លារកាន់តែរឹងមាំ។

10.ក្រឡេកមើលទៅហួសពីឆ្នាំ២០២២ទៅមុខ គេបានរំពឹងថា ការផ្គត់ផ្គង់កៅស៊ូពិភពលោកនឹងថយចុះចាប់ពីឆ្នាំ២០២៣ទៅ ដោយសារការព្យាករណ៍ថាទំហំផ្ទៃដីកៅស៊ូចៀរជ័រនៅទូទាំងពិភពលោកត្រូវថយចុះ។ អត្រាដាំដំណាំកៅស៊ូមិនល្អចាប់តាំងពីឆ្នាំ២០១៦រហូតមក វានឹងឆ្លុះបញ្ចាំងពីការចុះថយផ្ទៃដីកៅស៊ូចៀរជ័រជាសាកលដែលចាប់ផ្តើមពីឆ្នាំ ២០២៣តទៅ៕

ក្រាហ្វិកទី១៖ ថ្លៃកៅស៊ូទិញលក់ភ្លាមៗប្រភេទ STR-20 នៅទីផ្សារបាងកកនិងថ្លៃកៅស៊ូទិញលក់ភ្លាមៗប្រភេទ SMR-20 នៅទីផ្សារគួរឡាឡាំពួរ (US$/100Kg)

ក្រាហ្វិកទី២៖ ថ្លៃកៅស៊ូទិញលក់ភ្លាមៗប្រភេទ RSS-3 នៅទីផ្សារបាងកកនិងថ្លៃកៅស៊ូទិញលក់ភ្លាមៗប្រភេទ RSS-4 នៅទីផ្សារកូតូយ៉ាម (US$/100Kg)

ក្រាហ្វិកទី៣៖ ថ្លៃទឹកជ័រខាប់ 60% ទិញលក់ភ្លាមៗនៅទីផ្សារគួឡាឡាំពួរ (US$/100Kg)

ក្រាហ្វិកទី៤៖ ថ្លៃកៅស៊ូទិញលក់តាមកិច្ចសន្យានៅទីផ្សារហ៊ុនសៀងហៃប្រចាំថ្ងៃ សម្រាប់ខែឧសភា ឆ្នាំ២០២២ (យ័ន/តោន)

ក្រាហ្វិកទី៥៖ ថ្លៃកៅស៊ូទិញលក់តាមកិច្ចសន្យាប្រភេទ TSR-20 នៅទីផ្សារ​ហ៊ុន​ប្រទេស​សឹង្ហបុរី សម្រាប់ខែមីនា ឆ្នាំ២០២២ (ដុល្លារសឹង្ហបុរី/១០០គ.ក្រ)

ក្រាហ្វិកទី៦៖ ថ្លៃកៅស៊ូទិញលក់តាមកិច្ចសន្យាប្រភេទ RSS-3 នៅទីផ្សារ​ហ៊ុន​អូសាកា សម្រាប់ខែឧសភា ឆ្នាំ២០២២ (ដុល្លារយេន/គ.ក្រ)

ក្រាហ្វិកទី៧៖ ឥទ្ធិពលប្រាក់ជប៉ុន (ធៀប១០០០យ៉េន)

ក្រាហ្វិកទី៨៖​ ឥទ្ធិពលប្រាក់ថៃ (ធៀប១០០បាត)

ក្រាហ្វិកទី៩៖​ ឥទ្ធិពលប្រាក់រីងហ្គីតម៉ាឡេស៊ី (ធៀប១០០រីងហ្គីដ)

ក្រាហ្វិកទី១០៖ និន្នាការថ្លៃប្រេងឆៅប្រភេទ Brent (USD$/បារ៉ែល)