ព័ត៌មានចុងក្រោយ
គិតត្រឹមដើមខែកុម្ភៈឆ្នាំនេះ ប្រទេសមីយ៉ាន់ម៉ាបាននាំចេញកៅស៊ូជាង២០ម៉ឺនតោន ទៅកាន់ទីផ្សារខាងក្រៅចាប់តាំងពីថ្ងៃទី១ ខែមេសាឆ្នាំមុន។ ក្រៅពីប្រទេសចិន ប្រទេសមីយ៉ាន់ម៉ាក៏បាននាំចេញកៅស៊ូទៅប្រទេសកូរ៉េខាងត្បូង ឥណ្ឌា ម៉ាឡេស៊ី ឥណ្ឌូនេស៊ី សិង្ហបុរី និងជប៉ុនផងដែរ។
យោងតាមតួលេខផ្លូវការដែលចេញផ្សាយនៅថ្ងៃទី១៤ ខែកុម្ភៈ ឆ្នាំ២០២៣ ប្រទេសមីយ៉ាន់ម៉ាមានបំណងសម្រេចគោលដៅនាំចេញកៅស៊ូ ចំនួន៣០ម៉ីនតោន ។
យោងតាមមជ្ឈមណ្ឌលទំនិញ Mawlamyine បានឱ្យដឹងថានៅដើមខែមករាឆ្នាំនេះ ថ្លៃកៅស៊ូបានឡើង០,៥៧$/ផោន និង ០,៥៨$/ផោន សម្រាប់ កៅស៊ូសន្លឹក RSS ។
មន្ត្រីនៃសមាគមអ្នកផលិតនិងអ្នកដាំកៅស៊ូមីយ៉ាន់ម៉ាបានឲ្យដឹងថា តម្លៃលក់កៅស៊ូបានកើនឡើងពី០,៦៤ - ០,៦៧$/ផោន ។ ទន្ទឹមនឹងនោះ ថ្លៃលក់កៅស៊ូនៅក្នុងទីផ្សារអន្តរជាតិមានតម្លៃប្រហែល១ ៧០០ដុល្លារអាមេរិក/តោន។
ទោះជាយ៉ាងណាក៏ដោយ ថ្លៃកៅស៊ូបច្ចុប្បន្នមិនបានឡើងដល់តម្លៃកំណត់ត្រាលើសពី០,៧៦$/ផោន នៃរដូវចៀរកៅស៊ូក្នុងសប្តាហ៍ទីបីនៃខែកញ្ញា ឆ្នាំ២០២២នោះទេ។
កៅស៊ូត្រូវបានផលិតជាទូទៅនៅរដ្ឋ Mon របស់ប្រទេសមីយ៉ាន់ម៉ា បន្ទាប់មកនៅតំបន់ Tanin-thayi និងរដ្ឋ Kayin។ វាត្រូវបានរកឃើញផងដែរនៅក្នុងតំបន់ Bago, Ayeyarwady និង Yangon, ក្នុងរដ្ឋ Shan និងរដ្ឋ Kachin ។
ប្រទេសមីយ៉ាន់ម៉ាមានកៅស៊ូចំនួន១,៦៤ លានហិចតានៅទូទាំងប្រទេស។ កៅស៊ូប្រហែល៤០ម៉ីនតោនទំនងជាត្រូវបានផលិតនៅឆ្នាំនេះ។ វិស័យកៅស៊ូដែលអាចរកប្រាក់ចំណេញនេះ នឹងបង្កើតចំណូលក្រៅប្រទេសជារៀងរាល់ឆ្នាំ។
តម្រូវការកៅស៊ូពិភពលោកនិងការផ្គត់ផ្គង់ទីផ្សារកៅស៊ូ ព្រមទាំងផលិតកម្មកៅស៊ូរបស់អាស៊ីអាគ្នេយ៍គឺមានទំនាក់ទំនងគ្នាយ៉ាងខ្លាំង ជាមួយនឹង ស្ថានភាពថ្លៃកៅស៊ូរបស់ប្រទេសមីយ៉ាន់ម៉ា៕