ក្រុមប្រឹក្សាកៅស៊ូឥណ្ឌាបានសម្ពោធបើកមជ្ឈមណ្ឌលបណ្តុះគំនិតកែច្នៃ​ផលិតផលកៅស៊ូ (Rubber Products Incubation Center: RPIC) ដែលនឹងជួយដល់កម្មន្តសាលករ អាចបង្កើត​ផលិត​ផល​សម្រេច​​ពី​កៅស៊ូថ្មីៗបន្ថែមទៀត និងអាចជួយជំរុញ​ឧស្សាហកម្មកម្មន្តសាលផលិតកៅស៊ូនិងអ្នក​ដាំកៅស៊ូឲ្យល្អប្រសើរឡើងវិញ។

          មជ្ឈមណ្ឌល RPIC កំពុងផ្តោតយក​ចិត្ត​ទុក​ដាក់យ៉ាងខ្លាំងលើក្រុមអ្នកច្នៃប្រឌិតបង្កើតគំនិតថ្មីៗ  ដោយមានសហគ្រិនកាន់តែច្រើនឡើងៗមកចុះបញ្ជីជាមួយមជ្ឈមណ្ឌលនេះ។

          លោក K.N. Raghavan  ប្រធានក្រុមប្រឹក្សាភិបាលកៅស៊ូឥណ្ឌាបាននិយាយថា ការខំប្រឹងប្រែងបង្កើតមជ្ឈមណ្ឌលនេះ គឺដើម្បីបង្កើតភាពរស់រវើកនិងភាពរឹងមាំសម្រាប់ ឧស្សាហកម្មផលិតផលសម្រេចពីកៅស៊ូ។

          ជាឧទាហរណ៍៖ មជ្ឈមណ្ឌលនេះ បានបង្កើតរូបមន្តកែច្នៃស្រោមដៃពីពីវត្ថុធាតុដើមថ្មីៗ ដែលមានថ្លៃដើមទាប។ គំនិតច្នៃប្រឌិតថ្មីមួយទៀត​គឺ​ការជំនួសបច្ចេកទេសបណ្តុះពូជ កៅស៊ូដោយប្រើកែវផ្លាស្ទិច (Root traniner)។ បច្ចេកទេសបណ្តុះ​ពូជ​កៅស៊ូ​បែបនេះ ត្រូវបានប្រើសម្រាប់ដាំដើមកៅស៊ូនៅក្នុងថ្នាល។ គំនិតច្នៃប្រឌិតមួយទៀតគឺការ​ផលិតឥដ្ឋកៅស៊ូ ចេញពីស្រោមដៃដែលគេចោល។

          រោងចក្រកៅស៊ូប្រើវត្ថុធាតុដើមសម្រាប់ផលិតទ្រនាប់រ៉ងកៅស៊ូដែលភាគច្រើនយើងប្រើប្រាស់ក្នុងជីវភាពរស់នៅប្រចាំថ្ងៃ។

         ក្រុមប្រឹក្សាកៅស៊ូឥណ្ឌាមានមជ្ឈមណ្ឌលទទួលការហៅទូរស័ព្ទចូល ដែលអ្នកដាំកៅស៊ូអាចទាក់ទងបានដើម្បីទទួលបានចំណេះដឹងបន្ថែមអំពីការដាំដុះនិងការចៀរជ័រកៅស៊ូ។

         គំនិតផ្តួចផ្តើមរបស់ក្រុមប្រឹក្សាភិបាលកៅស៊ូដើម្បីបើកមជ្ឈមណ្ឌលនេះ បានកើតឡើងចំពេលដែលផលិតផលមិនមែនសំបកកង់ដែលបានចុះបញ្ជី​រួចប្រមាណ៤ ០០០ ត្រូវបាន ផលិតដោយ​វិស័យ​សហគ្រាសខ្នាតតូច និងមធ្យម នៃប្រទេស​ឥណ្ឌាដែលជាប្រភពបង្កើតការងារ និង​ការ​​នាំចេញ​ដ៏សំខាន់ដោយទទួលបានទឹកប្រាក់ចំនួនប្រមាណ១១ ០០០រ៉ូពីក្នុងឆ្នាំ២០១៩-២០២០៕