ក្រុមហ៊ុនកៅស៊ូប្រទេសវៀតណាមកំពុង​ប្រឈមមុខនឹងការធ្លាក់ចុះប្រាក់ចំណេញដែលបានព្យាករសម្រាប់រយៈពេល​ប៉ុន្មាន​ខែដែលនៅសល់ ដោយសារតម្រូវការពិភពលោក​ធ្លាក់ចុះនិងថ្លៃធាតុចូលកើនឡើង។

សម្ព័ន្ធឧស្សាហកម្មកៅស៊ូវៀតណាម Vietnam Rubber Group រំពឹងថាប្រាក់ចំណេញនឹងកើនឡើងដល់​២២៥,១៣លាន​ដុល្លារអាម៉េរិកនៅឆ្នាំនេះ​ ហើយប្រាក់ចំណូលនឹង​កើនឡើងត្រឹម ៥%ប៉ុណ្ណោះ ដោយសារថ្លៃ​កៅស៊ូ​បានធ្លាក់ចុះនិងការប្រើប្រាស់ទាប ខណៈពេលដែល​ថ្លៃដើមធាតុចូលបាននិងកំពុងកើនឡើង។

ក្រុមហ៊ុនកៅស៊ូ Phuoc Hoa បានបង្ហាញពីប្រាក់ចំណេញក្នុងត្រីមាសទីពីររបស់ខ្លួនបានធ្លាក់ចុះ​ ១/៣ មកនៅត្រឹម ២,២លានដុល្លារអាម៉េរិក ហើយ​ប្រាក់ចំណូលបានធ្លាក់ចុះជិត ៥០% ស្មើនឹង ៩,៣​លានដុល្លារអាម៉េរិក ខណៈដែលក្រុមហ៊ុនកៅស៊ូ Da Nang ប្រាក់ចំណេញបានក៏ធ្លាក់ចុះជិត ២២% មកនៅត្រឹម ៣,៤លានដុល្លារអាម៉េរិក។

ក្រុមហ៊ុនទាំងពីរបានលើកឡើងថា ថ្លៃដើមវត្ថុធាតុកើន​ឡើងនិងការលក់ធ្លាក់ចុះជា​ហេតុផលចម្បងនៃប្រាក់ចំណេញធ្លាក់ចុះ។ ថ្លៃកៅស៊ូ​ពិភព- លោកបានធ្លាក់ចុះជាលើកទីបី ពីមួយឆ្នាំទៅមួយឆ្នាំមកនៅប្រហែល​១ ៧៥០ដុល្លារអាម៉េរិក/​ត​ ដោយសារតែភាពតានតឹងភូមិ​សាស្ត្រនយោបាយ កង្វះ​ ខាតកុងតឺន័រ ការដឹកជញ្ជូនកើនឡើង និងភាពយឺតយ៉ាវនៃប្រតិបត្តិការឯកសារគយនៅទូទាំងពិភពលោក។

ថ្លៃកៅស៊ូនាំចេញរបស់វៀតណាមបានធ្លាក់ចុះ ៧,៦% ពីមួយឆ្នាំទៅមួយឆ្នាំមកនៅប្រមាណ​១ ៥១៦​ដុល្លារ​អាម៉េរិក/តក្នុងខែសីហា ដែលជាការធ្លាក់​ចុះប្រចាំ​ខែទីបួនជាប់ៗគ្នា។

ប្រទេសចិនជាប្រទេសនាំចូលកៅស៊ូធំជាងគេរបស់វៀតណាមបានបានប្រមូលទិញកៅស៊ូក្នុងតម្លៃ១ ៤៧៤ដុល្លារអាម៉េរិក/តោន បានធ្លាក់ចុះ ៩,៣% ដែលជា​​ហេតុផល​ធ្លាក់​ចុះនេះ ​ដោយសារការ​ប្រើ​ប្រាស់កៅស៊ូ​ក្នុង​ប្រទេស​ចិនបាន​ធ្លាក់​ចុះ។ ប៉ុន្តែសមាគមបណ្តាប្រទេសផលិតកៅស៊ូធម្មជាតិមានសុទិដ្ឋិនិយមចំពោះការរំពឹងទុករយៈពេលខ្លីនៃទីផ្សារកៅស៊ូដោយបានព្យាករថា ពិភពលោកនឹងខ្វះកៅស៊ូធម្មជាតិប្រមាណចំនួន ៩៣ ០០០​តោន៕