១.និន្នាការថ្លៃកៅស៊ូទិញលក់តាមកិច្ចសន្យាប្រចាំខែមីនា ឆ្នាំ២០២២

ថ្លៃកៅស៊ូទិញលក់តាមកិច្ចសន្យានៅទីផ្សារហ៊ុនសៀងហៃ អូសាកា និងសឹង្ហបុរីបានផ្អាកងើបឡើង វិញនៅតាមបណ្តាទីផ្សារសំខាន់ៗនេះក្នុងអំឡុងថ្ងៃទី១-៣០ ខែមីនា ឆ្នាំ២០២២។

នៅក្នុងខែមីនា ឆ្នាំ២០២២នេះ រំញោចទីផ្សារបានទទួលរងឥទ្ធិពលយ៉ាងខ្លាំងពីកត្តាមួយចំនួនរួមមាន៖ ១-សេចក្តីប្រកាសស្តីពីតម្លៃការប្រាក់ពីធនាគារកណ្តាល ២-ក្តីបារម្ភពីការផ្ទុះរាលដាលជំងឺកូវីដ១៩ នៅប្រទេសចិននិង ៣-វិបត្តិសង្រ្គាមរវាងរុស្ស៊ីនិងអ៊ុយក្រែន។ ថ្លៃកៅស៊ូទិញលក់តាមកិច្ចសន្យានៅទីផ្សារហ៊ុនសៀងហៃក្នុងខែមីនា ឆ្នាំ២០២២ គិតជាមធ្យម១៣ ៦០២យ័ន/តោន បើធៀបទៅនឹងខែកុម្ភៈ ឆ្នាំ២០២២ ដែលមានថ្លៃជាមធ្យម១៤ ៣១៣យ័ន/តោន គឺធ្លាក់ចុះ ៥%។ ក្រាហ្វិកខាងក្រោមនឹងបង្ហាញពីថ្លៃកៅស៊ូទិញលក់តាមកិច្ចសន្យាប្រចាំថ្ងៃនៅទីផ្សារហ៊ុនសៀងហៃក្នុងអំឡុងថ្ងៃទី១-៣០ ខែមីនា ឆ្នាំ២០២២។

ក្រាហ្វិកទី១៖ថ្លៃកៅស៊ូទិញលក់តាមកិច្ចសន្យាប្រចាំថ្ងៃសម្រាប់ខែឧសភានៅទីផ្សារហ៊ុនសៀងហៃក្នុងអំឡុងខែមីនា ឆ្នាំ២០២២

ក្នុងអំឡុងថ្ងៃទី១-៣០ ខែមីនា ឆ្នាំ២០២២នេះ ថ្លៃកៅស៊ូ TSR-20 ទិញលក់តាមកិច្ចសន្យានៅទីផ្សារហ៊ុនសឹង្ហបុរីបានផ្អាកងើបឡើងវិញ ដូចគ្នានឹងថ្លៃកៅស៊ូទិញលក់តាមកិច្ចសន្យានៅទីផ្សារហ៊ុនសៀងហៃផងដែរ។ ថ្លៃកៅស៊ូ TSR-20 ទិញលក់តាមកិច្ចសន្យានៅទីផ្សារសឹង្ហបុរីគិតជាមធ្យមគឺ១,២៦ដុល្លារសហរដ្ឋអាម៉េរិក/គីឡូក្រាម (១,៧៥ដុល្លារសឹង្ហបុរី) បើធៀបនឹងខែកុម្ភៈ ឆ្នាំ២០២២ ដែលមានថ្លៃមធ្យម១,៣ដុល្លារ​សហរដ្ឋ​អាម៉េរិក/គីឡូក្រាម (១,៨ដុល្លារសឹង្ហបុរី) គឺធ្លាក់ចុះ ៣,៧%។

នៅដើមខែមីនានេះ ទីផ្សារហ៊ុនសឹង្ហបុរីបានទទួលស្គាល់ផ្នែកទំនាក់ទំនងកៅស៊ូ (HC-Hevea Connect) ដែលមានគោលបំណងមួយដើម្បីពង្រឹងតួនាទីរបស់ខ្លួនជាមជ្ឈមណ្ឌលស្វែងរកព័ត៌មានថ្លៃកៅស៊ូទិញលក់​ភ្លាម​ៗ។ HC បានបង្កើតតាំងពីឆ្នាំ២០១៨ និងផ្តល់សេវាទិន្នន័យរហ័ស (Data-Backed) សម្រាប់ឧស្សាហ​កម្ម​ឌីជីថល។

ក្រាហ្វិកទី២៖ ថ្លៃកៅស៊ូ TSR-20 ទិញលក់តាមកិច្ចសន្យាប្រចាំថ្ងៃសម្រាប់ខែឧសភា នៅទីផ្សារសឹង្ហបុរី ក្នុងអំឡុងខែមីនា ឆ្នាំ២០២២

ថ្លៃកៅស៊ូទិញលក់តាមកិច្ចសន្យានៅទីផ្សារហ៊ុនអូសាកាបានធ្លាក់ចុះជាបន្តបន្ទាប់អំឡុងពេល២សប្តាហ៍ ក្នុងសប្តាហ៍ទី២ ខែមីនា ឆ្នាំ២០២២ ដោយសារតែតម្លៃទីផ្សារភាគហ៊ុននិងស្ថេរភាពនៃតម្លៃប្រេងឆៅបានធ្លាក់ចុះជាគំហុគ ស្របពេលដែលស្ថិតិអតិផរណាសហរដ្ឋអាម៉េរិកបានកើនឡើង ដែលបណ្តាល​មក​ពីកំណើនអត្រាការប្រាក់របស់ធនាគារកណ្តាល។

ក្នុងអំឡុងចុងខែមីនា ឆ្នាំ២០២២ ថ្លៃកៅស៊ូទិញលក់តាមកិច្ចសន្យានៅទីផ្សារអូសា​កាបាន​ងើបឡើង​វិញបន្តិច គឺបានមកពីការគាំទ្រនៃភាពចុះខ្សោយរបស់ប្រាក់យ៉េនជប៉ុន ថ្លៃកៅស៊ូទិញលក់ភ្លាមៗបានកើនឡើងនិងកង្វះវត្ថុធាតុដើមនៅប្រទេសថៃ។ នៅពេលដែលប្រាក់យ៉េនធ្លាក់ចុះ ទ្រព្យសកម្មដែលកំណត់ ដោយប្រាក់យ៉េនបានកើនឡើងខ្លាំង បើធៀបនឹងរូបីយ៍ប័ណ្ណដទៃផ្សេងទៀត។

ក្រាហ្វិកទី៣៖ ថ្លៃកៅស៊ូ RSS-3 ទិញលក់តាមកិច្ចសន្យាប្រចាំថ្ងៃសម្រាប់ខែសីហា ទីផ្សារហ៊ុនអូសាកាក្នុងអំឡុងខែមីនា ឆ្នាំ២០២២

២.និន្នាការថ្លៃកៅស៊ូទិញលក់ភា្លមៗប្រចាំខែមីនា ឆ្នាំ២០២២

ក្នុងអំឡុងថ្ងៃទី១-៣០ ខែមីនា ឆ្នាំ២០២២ និន្នាការថ្លៃកៅស៊ូ STR-20 នៅទីផ្សារបាងកកនិងថ្លៃ កៅស៊ូ SMR-20 នៅទីផ្សារគួឡាឡាំពួរបានធ្លាក់ចុះក្នុងអំឡុងពេលដូចគ្នា ដូចបង្ហាញក្នុងក្រាហ្វិកខាងក្រោម។

ទីផ្សារកៅស៊ូដុំបានបង្ហាញពីនិន្នាការធ្លាក់ចុះចាប់ពីពាក់កណ្តាលខែមីនា ឆ្នាំ២០២២ បន្ទាប់ពីធនាគារកណ្តាលសហរដ្ឋអាម៉េរិកបានតម្លើងអត្រាការប្រាក់ ជម្លោះរវាងរុស្ស៊ីនិងអ៊ុយក្រែននៅតែបន្ត និងការបិទខ្ទប់នៅតាមតំបន់ដែលរាតត្បាតដោយជំងឺកូវីដក្នុងប្រទេសចិន។

តារាងទី១៖ថ្លៃកៅស៊ូដុំគិតជាមធ្យមនៅតាមបណ្តាទីផ្សារសំខាន់ៗ

ក្រាហ្វិកទី៤៖ ថ្លៃកៅស៊ូ STR-20 និង SMR-20 ទិញលក់ទិញលក់ភ្លាមៗក្នុងអំឡុងខែមីនា ឆ្នាំ២០២២ (១០០គ.ក្រ/$)

យ៉ាងណាក៏ដោយ ថ្លៃកៅស៊ូសន្លឹកទិញលក់ភ្លាមៗនៅតាមបណ្តាទីផ្សារសំខាន់ៗដូចជា ទីផ្សារកូតូយ៉ាមនិងបាងកកបានកើនឡើងបន្តិចបន្តួច គិតជាមធ្យម២,២៤ដុល្លារសហរដ្ឋអាម៉េរិក/គីឡូក្រាម។

តារាងទី២៖ ថ្លៃកៅស៊ូសន្លឹកគិតជាមធ្យមនៅតាមបណ្តាទីផ្សារសំខាន់ៗ

ក្រាហ្វិកទី៥៖ ថ្លៃកៅស៊ូ RSS-3 និង RSS-4 ទិញលក់ភ្លាមៗ ក្នុងអំឡុងខែមីនា ​ឆ្នាំ២០២២ (១០០គ.ក្រ/$)

ក្នុងអំឡុងខែមីនា ឆ្នាំ២០២២នេះ និន្នាការថ្លៃទឹកជ័រខាប់ ៦០% បានកើនឡើងបន្តិច បើធៀបនឹងខែកុម្ភៈ ឆ្នាំ២០២២។ ថ្លៃទឹកជ័រខាប់ ៦០% គិតជាមធ្យមក្នុងខែមីនា ឆ្នាំ២០២២ មានតម្លៃ១,៦៦ដុល្លារសហរដ្ឋអាម៉េរិក/គីឡូក្រាម ចំណែកឯថ្លៃទឹកជ័រកៅស៊ូខាប់ ៦០% គិតជាមធ្យមក្នុងខែកុម្ភៈ ឆ្នាំ២០២២ មាន​តម្លៃត្រឹមតែ១,៦០ដុល្លារសហរដ្ឋអាម៉េរិក/គីឡូក្រាមប៉ុណ្ណោះ។

តារាងទី៣៖ ថ្លៃទឹកជ័រខាប់ ៦០% គិតជាមធ្យមនៅទីផ្សារគួឡាឡាំពួរ

ក្រាហ្វិកទី៦៖ ថ្លៃទឹកជ័រខាប់ ៦០% ទិញលក់ភ្លាមៗ ក្នុងអំឡុងខែមីនា ឆ្នាំ២០២២ (១០០គ.ក្រ/$)