ព័ត៌មានចុងក្រោយ
ការនាំចេញផលិតផលកៅស៊ូសរុបរបស់ប្រទេសម៉ាឡេស៊ីព្យាករណថា នឹងកើនឡើងទ្វេដងនៅឆ្នាំនេះពី១៦,២ពាន់លានដុល្លារអាម៉េរិកក្នុងឆ្នាំ២០២១ ទៅ ៣១,៨ពាន់លានដុល្លារអាម៉េរិក ដោយសារបរិមាណនិងតម្លៃឡើងកាន់តែខ្ពស់។
លោកជំទាវ Zuraida Kamaruddin រដ្ឋមន្ត្រីក្រសួងចម្ការឧស្សាហកម្មកសិកម្មនិងមុខទំនិញបាននិយាយថា ការនាំចេញផលិតផលកៅស៊ូសរុបរបស់ប្រទេសទាំងមូលបានកើនឡើង ៤៤,៣% ស្មើនឹង១៦,២ពាន់លានដុល្លារអាម៉េរិក ធៀបនឹងឆ្នាំ២០២២ ដែលមានទឹកប្រាក់ចំនួន១១,២ពាន់លានដុល្លាអាម៉េរិក។ នៅក្នុងសន្និបាតនិងពិព័រណ៍ឧស្សាហកម្មកៅស៊ូអន្តរជាតិម៉ាឡេស៊ីប្រចាំឆ្នាំ២០២២ លោកជំទាវយើងមើលឃើញពីសក្តានុពលនៃកំកើនទ្វេដងនូវអ្វីដែលយើងសម្រេចបានក្នុងឆ្នាំ២០២១ ឬ ៣១,៨ពាន់លានដុល្លារអាម៉េរិកនៃទឹកប្រាក់នាំចេញនៅឆ្នាំ២០២២ ដែលសក្តានុពលដ៏ធំធេងសម្រាប់ឧស្សាហកម្មកៅស៊ូនៅក្នុងប្រទេសមានកំណើននឹងការបន្ថែមតម្លៃ ការបង្កើតការងារ វឌ្ឍនភាពបច្ចេកវិទ្យា និងការលើកកំពស់គុណភាពនិងតម្លៃនាំចេញ។
លោកជំទាវបានបន្ថែមថា មូលហេតុមួយក្នុងចំណោមមូលហេតុសម្រាប់កំណើនដ៏រឹងមាំនៃឧស្សាហកម្មកៅស៊ូម៉ាឡេស៊ី គឺការចម្រើនបន្ថែមនូវផ្នែកផ្សេងៗនៃខ្សែច្រវាក់តម្លៃ ពិសេសវិស័យផលិតនិងការប្រើប្រាស់។ ឧទាហរណ៍៖ កាលពីឆ្នាំមុនឧស្សាហកម្មសំបកកង់បានដាក់ឱ្យដំណើរការដោយមានការលើកទឹកចិត្ត។ ហើយការនាំចេញសំបកកង់បានកើនឡើង៣០,៥% ស្មើនឹង៣៨៤,៤ពាន់លានដុល្លាអាម៉េរិកក្នុងឆ្នាំ២០២១ បើធៀបនឹងឆ្នាំ២០២០ ដែលមានទឹកប្រាក់២៩៣,៩ពាន់លានអាម៉េរិក។ រីឯទំនិញឧស្សាហកម្មកៅស៊ូមានគ្រឿងប្រើប្រាស់ក្នុងរថយន្ត ការជីក យករ៉ែ និងសំណង់បានបង្ហាញកំណើន ៤០% ក្នុងឆ្នាំ២០២១ ធៀបនឹងឆ្នាំមុន។ ចំពោះការធ្វើពិពិធកម្មនៃការនាំចេញរួមបញ្ចូលទំនិញ ដែលមានតម្លៃខ្ពស់នឹងធ្វើកែលម្អបន្ថែមនូវការប្រតិបត្តិការនាំចេញផលិតផលកៅស៊ូស្ងួត ព្រមទាំងជំរុញការប្រើប្រាស់កៅស៊ូក្នុងស្រុកផងដែរ។
លោកជំទាវក៏បានកត់សម្គាល់ថា បញ្ហានៃកម្លាំងពលកម្មដោយបង្ខំបានញាំញីដល់ឧស្សាហកម្មកៅស៊ូនៅក្នុងស្រុកច្រើនដូចនឹងឧស្សាហកម្ម ដូងប្រេងហើយបន្ត “យើងកំពុងព្យាយាមអស់ពីសមត្ថភាពដល់ឧស្សាហកម្មនេះ ដើម្បីដោះស្រាយការទាមទារកម្លាំងពលកម្មដោយបង្ខំ។ បញ្ហានេះជាអ្វីដែលយើងត្រូវកែតម្រូវ ដោយយើងត្រូវតែចូលរួមនិងមានទំនាក់ទំនងជាមួយភាគីបរទេស ដើម្បីធ្វើឱ្យប្រាកដថាពួកគេមិនធ្វើការចោទប្រកាន់ខុសមកលើឧស្សាហកម្មរបស់យើង ព្រោះវានឹងធ្វើឱ្យប៉ះពាល់ដល់ការអនុវត្តជាសាកលរបស់យើង”។ លោកជំទាវបានបញ្ជាក់ថា ក្រសួងចម្ការឧស្សាហកម្មកសិកម្មនិងមុខទំនិញកំពុងជួបជាមួយក្រសួងធនធានមនុស្ស និងក្រសួងកិច្ចការក្នុងប្រទេសដើម្បីពិនិត្យមើលសំណើសុំកម្លាំងពលកម្មបន្ថែម។ ដោយប្រទេសម៉ាឡេស៊ីបានអនុវត្តប្រព័ន្ធគ្រប់គ្រងពលករបរទេសកណ្តាលស្ថិតក្រោមក្រសួងធនធានមនុស្ស ដែលនឹងជួយលុបបំបាត់ការរំលោភបំពានការងារនៅក្នុងប្រទេស។
រហូតមកដល់ពេលនេះ ប្រទេសម៉ាឡេស៊ីមិនទាន់ជូនដំណឹងដល់អង្គការពាណិជ្ជកម្មពិភពលោក (WTO) ទាក់ទងនឹងការអនុវត្ត FWCS នៅឡើយទេ។ ប៉ុន្តែលោកជំទាវ Zuraida បានធានាថា ក្រសួងចម្ការឧស្សាហកម្មកសិកម្មនិងមុខទំនិញ រួមជាមួយក្រសួងធនធានមនុស្សនឹងជូនដំណឹងទៅអង្គការ WTO នៅពេលដែលប្រព័ន្ធនេះត្រូវបានធ្វើឱ្យល្អឡើង៕