កំពង់ផែនិងក្រុមហ៊ុននានាបាននឹងកំពុងតស៊ូដោះស្រាយវិបត្តិខ្សែច្រវ៉ាក់ផ្គត់ផ្គង់ពិភពលោកចាប់តាំងពីដើមឆ្នាំ។ វាលេចឡើងដូចជាវិបត្តិកំពុង​ចាប់ផ្តើមមានស្ថិរភាពក្នុងបច្ចុប្បន្នចំពោះខ្សែច្រវ៉ាក់​ផ្គត់ផ្គង់ឧស្សាហកម្មនេះ និងមេរោគកូវីតបំលែង​ខ្លួន​ថ្មី។

លោក Per Hong ដៃគូជាន់ខ្ពស់នៅក្រុមហ៊ុនប្រឹក្សា Kearney បាននិយាយថា មេរោគបំលែងខ្លួនថ្មី Omicron គឺជាការសាកល្បងនៃភាពធន់មួយផ្សេងទៀតសម្រាប់ខ្សែច្រវ៉ាក់ផ្គត់ផ្គង់ដែលមានភាពតានតឹងរួចហើយនោះ។

អ្នកស្រី Sian Fenner អ្នកដឹកនាំសេដ្ឋវិទូអាស៊ីនៅ Oxford Economics បានឲ្យដឹងថា ខ្សែ ច្រវ៉ាក់ផ្គត់ផ្គង់នៅតែងាយរងគ្រោះទៅនឹងការរំខានដែលទាក់ទងនឹងជំងឺរាតត្បាត ដោយការបម្លែងខ្លួនថ្មី Omicron មិនទាន់ចប់នៅឡើយ។ ពិភពលោក​បាន​ដឹងជាលើកដំបូងអំពីមេរោគបំលែងខ្លួនថ្មីអូមីក្រុង បន្ទាប់ពីអ្នកវិទ្យាសាស្ត្រអាហ្រ្វិកខាងត្បូងម្នាក់បាន​បង្ហាញពីការលេចឡើងនៃមេរោគនេះ។ អង្គការ​សុខ​ភាពពិភពលោកក៏បានបង្ហាញថា​ វាជា "ក្តីកង្វល់​​​នៃមេរោគបំលែងខ្លួនថ្មី" នឹងអាចរីករាលដាល​បន្ថែម​​​ទៀត ហើយអាចក្លាយនឹងជា "ហានិភ័យខ្ពស់" ជាសកល។

ចាប់តាំងពីពេលនោះមក មេរោគនេះត្រូវបានរកឃើញនៅចក្រភពអង់គ្លេស បារាំង ហូឡង់ អ៊ីស្រាអែល បែលហ្ស៊ិក អាល្លឺម៉ង់ អ៊ីតាលី អូស្ត្រាលី កាណាដា និងហុងកុង។

ឥទ្ធិពលប្រយោល​​នៃការជាប់គាំង

លោក Hong បានបន្ថែម​ថា ខណៈ​ដែល​មិនទាន់​មាន​របាយការណ៍​នៃ​ករណី​​ជំងឺ​អូមីក្រូ​នៅក្នុង​ប្រទេស​ចិន​ដីគោក​នោះ លោក​កំពុង​តាមដាន​យ៉ាង​ដិតដល់​នូវ​ការ​ឆ្លើយតប​របស់​រដ្ឋាភិបាល​ចិន ដោយសារ​ករណីនេះបាន​កើតឡើង​ក្នុង​ទីក្រុង​ហុងកុង។ ប្រទេសចិនព្យាករថា នឹងធ្លាក់ចុះទ្វេដង​លើ​គោលនយោបាយ Zero-COVID របស់ខ្លួនដែលកាលពី​អតីតកាលបានរួមបញ្ចូលការបិទខ្ទប់ទីក្រុងទាំង​មូល ការដាក់ឱ្យនៅដាច់ពីគេ (ចត្តាឡីស័ក)​​ ក៏ដូចជា​ការត្រួតពិនិត្យយ៉ាង​តឹងរ៉ឹងនៅកំពង់ផែ និងការត្រួត​ពិនិត្យកប៉ាល់និងទំនិញដើម្បីការពារកុំឱ្យមានករណី​ឆ្លងចូលមក។

អ្នកវិភាគផ្សេងទៀតក៏បានព្រមានផងដែរថា ប្រទេសចិនអាចនឹងបង្កើនវិធានការ Zero-COVID ​របស់ខ្លួនជាមួយនឹងការលេចឡើងនៃ Omicron ។

លោក Hong បន្ត​ថានៅពេលមានការរំខាន​​ដែលបណ្តាលមកពីជំងឺរាតត្បាត Covid បានបង្ហាញឱ្យឃើញពីវិធានបិទខ្ទប់នៅក្នុងប្រទេសមួយអាចនឹងមានផលប៉ះពាល់យ៉ាងខ្លាំងទាំងផ្នែកលំហូរខាងលើនិងខាងក្រោមនៅក្នុងតំបន់ផ្សេងទៀតៗ។ ប្រសិន​បើរឿងនេះកើតឡើង មិនត្រឹមតែការដឹកជញ្ជូនត្រូវ​ជាប់​គាំង​ប៉ុណ្ណោះទេ ប៉ុន្តែប្រាកដណាស់​នឹងឃើញ​ការខ្វះខាតបន្ថែមទៀតនៃធាតុផ្សំផលិតកម្មសំខាន់ៗនិងការបន្តការបញ្ជាទិញជា​បន្តបន្ទាប់​ទៀតសម្រាប់​ផលិតផលអេឡិចត្រូនិច យានយន្ត និងផលិតផល​ប្រើប្រាស់សំខាន់ៗអាស្រ័យលើតំបន់​ ដែលបានរង​ផល​ប៉ះពាល់។

យោងតាមទិន្នន័យពីក្រុមប្រឹក្សាដឹកជញ្ជូន​ពិភពលោកបានឱ្យដឹងថា កំពង់ផែដែលមមាញឹក​បំផុតមួយចំនួនរបស់ពិភពលោកគឺនៅក្នុងប្រទេស​ចិន។ ក្នុងចំណោមកំពង់ផែមមាញឹកបំផុតទាំង១០ មានកំពង់ផែ ៧ ស្ថិតនៅក្នុងប្រទេសចិនក្នុងនោះ សៀង​ហៃ​ជាប់​ចំណាត់ថ្នាក់លេខ១ Ningbo Zhou- shan ជាប់​ចំ​​ណាត់ថ្នាក់លេខ៣ និង Shenzhen ជាប់ចំណាត់​ថ្នាក់​ទី៤ ខណៈដែលហុងកុងជាកំពង់ផែមមាញឹក​បំផុតទី៨ កាលពីឆ្នាំមុន។

មេរោគថ្មី Omicron អាចពន្យារពេលដល់ការងើប​ឡើងវិញនៃការនាំចេញក្នុងតំបន់

បើយោង​តាម​អ្នក​វិភាគខ្សែច្រវ៉ាក់ផ្គត់ផ្គង់នៅ​​គ្រប់ទីកន្លែងត្រូវបានរងផលប៉ះពាល់ ដោយការរំខានដ៏ធំក្នុងឆ្នាំនេះ ចាប់ពីកង្វះកុងតឺន័ររហូតដល់ទឹកជំនន់ ការឆ្លងមេរោគ Covid និងឈានដល់ការបិទកំពង់ផែ។ វិបត្តិថាមពលនៅក្នុងប្រទេសចិនដីគោកនិងអឺរ៉ុបគឺជាវិបត្តិចុក្រោយ​បង្អស់ ដែលធ្វើអោយឧស្សាហកម្មដឹកជញ្ជូនកាន់តែយ៉ាប់យ៉ឺន។ ប៉ុន្តែស្ថាន ការណ៍​នេះហាក់​មាន​ស្ថិរភាព​នាពេល​ថ្មីៗ​នេះ បើ​ទោះ​បី​ជា​នៅ​ឆ្ងាយ​ពី​សម័យ​មុន​កូវីដ​ក៏ដោយ​។

អ្នកស្រី ​​Fenner បានបន្តថា នៅពេលដែលការរឹតត្បិតត្រូវបានបន្ធូរបន្ថយនៅអាស៊ី នោះកម្មករអាចត្រលប់មកធ្វើការវិញ ហើយរោងចក្រក៏អាចដំណើរការឡើងវិញនៅក្នុងខែកញ្ញា បើទោះ​បីជានៅ​តែមានភាពរអាក់រអួលមួយខ្លះៗក៏ដោយ ក៏ការរឹត​បន្តឹ​ងមួយចំនួនដើម្បីរក្សាស្ថិរភាពរលក Covid ថ្មីៗ​នេះ ត្រូវបានរៀបចំឡើងវិញ។ សូម្បី​តែ​ការ​ផលិត​កាន់​ជា​ច្រើនដាក់លក់​តាម​អ៊ីនធឺណិត ក៏​នៅ​តែ​មាន​បញ្ហា​ប្រឈម​ ​ពិសេស​លើ​ការ​ដឹក​ជញ្ជូន ថែមទាំង​ការ​ដឹក​ជញ្ជូន​តាម​ផ្លូវ​អាកាស​ផង​ដែរ។

បើយោងតាមក្រុមហ៊ុន Oxford Economics បានឲ្យដឹងថា នៅទូទាំងពិភពលោកនាវាតិចជាង​ពាក់កណ្តាលបានមកដល់ទាន់ពេលក្នុងកំឡុងឆ្នាំ​២០២១ ហើយការពន្យាពេលសម្រាប់កប៉ាល់មក​យឺតតែងតែបន្ថែមពេលច្រើនជាងមួយសប្តាហ៍នៃម៉ោងដឹកជញ្ជូន បើធៀបនឹងរយៈពេលប្រហែលបួន​ថ្ងៃក្នុងឆ្នាំ២០១៨ និងឆ្នាំ២០១៩។

ក្រុមហ៊ុនស្រាវជ្រាវ TS Lombard បាន​និយាយថា ប្រទេសវៀតណាមដែលជាប្រទេសនាំចេញដ៏សំខាន់មួយនៅក្នុងទ្វីបអាស៊ី ត្រូវបានកំណត់ចំណែកនៃការនាំចេញឡើងវិញ បន្ទាប់ពីរលក Covid ទីបី។ លើលពីនេះ ជំងឺរាតត្បាតនេះបានធ្វើ​ឱ្យប្រទេសនៅអាស៊ីអាគ្នេយ៍បិទរោងចក្ររបស់ខ្លួនដែលបង្កបញ្ហាដល់ក្រុមហ៊ុនអាម៉េរិកជាច្រើនដែលមានរោងចក្រផលិតនៅទីនោះ។

អ្នកវិភាគមកពី TS Lombard បានឲ្យដឹងថា រដ្ឋាភិបាលភាគច្រើននៅក្នុងតំបន់ទំនងជាកំពុងទប់ទល់នឹងការដាក់កម្រិតធ្ងន់ធ្ងរឡើងវិញ ប៉ុន្តែចំណុច​សំខាន់គឺថាខ្សែច្រវ៉ាក់ផ្គត់ផ្គង់នៅតែទទួលរងសម្ពាធដដែល ដោយសារតែការគំរាមកំហែងពី Covid នៅ​តែបន្ត។

ក្រុមហ៊ុន Oxford Economics បន្តឲ្យ​ដឹង​ថា ប្រសិន​បើ Omicron ប៉ះពាល់ដល់ខ្សែ​ច្រវ៉ាក់​ផ្គត់ផ្គង់ នោះផលប៉ះពាល់ដល់​ផលិតផល​ក្នុងស្រុក​សរុប​របស់អាស៊ីទំនងជានឹងធ្លាក់ចុះ ១,៦% នៅឆ្នាំ​ក្រោយ៕