១.ថ្លៃកៅស៊ូដុំទិញលក់ភ្លាមៗនៅទីផ្សារបាងកកនិងទីផ្សារគួរឡាឡាំពួរ

ក្រាហ្វិកទី១នឹងបង្ហាញពីនិន្នាការថ្លៃកៅស៊ូ STR-20 ទិញលក់ភ្លាមៗប្រចាំថ្ងៃ នៅទីផ្សារ​បាងកក និងថ្លៃកៅស៊ូ SMR-20 នៅទីផ្សារគួរឡាឡាំពួរ ចាប់ពីថ្ងៃទី១-៣០ ខែមេសា ឆ្នាំ២០២១។​ ​ថ្លៃ​កៅស៊ូទាំងពីរមាននិន្នាការស្រដៀងគ្នាក្នុងអំឡុងពេលដូចគ្នានេះ។

ក្នុងអំឡុងខែមេសា ឆ្នាំ២០២១ ថ្លៃកៅស៊ូជាមធ្យម STR-20 នៅទីផ្សារ​បាងកក មានតម្លៃ​១,៦៧ដុល្លារ/គ.ក្រ ចំណែកឯ ថ្លៃកៅស៊ូជាមធ្យម SMR-20 នៅទីផ្សារគួរឡាឡាំពួរ មានតម្លៃ១,៦៥​ដុល្លារ/គ.ក្រ ។

២.ថ្លៃកៅស៊ូសន្លឹកទិញលក់ភ្លាមៗនៅទីផ្សារបាងកកនិងកូតូយ៉ាម

ក្រាហ្វិកទី២នឹងបង្ហាញពីនិន្នាការថ្លៃកៅស៊ូ RSS-3 ទិញលក់ភ្លាមៗនៅទីផ្សារបាងកក និងថ្លៃកៅស៊ូ RSS-4 ទិញលក់ភ្លាមៗនៅទីផ្សារកូតូយ៉ាម ក្នុងអំឡុងថ្ងៃទី១-៣០ ខែមេសា ឆ្នាំ២០២១។

នៅសប្តាហ៍ចុងក្រោយនៃខែមេសា ឆ្នាំ២០២១ ទីផ្សារកៅស៊ូសន្លឹកនៅទីក្រុកបាងកកបាន បន្ថយគម្លាតតម្លៃនិងបានប្រែប្រួលប្រហាក់ប្រហែល នឹងទីផ្សាកូតូយ៉ាមដែរ។ ទោះបីជាយ៉ាងណាក៏ដោយ ថ្លៃកៅស៊ូ RSS-3 ជាមធ្យមនៅទីផ្សារបាងកក មានតម្លៃប្រហែល ២,១៩ដុល្លារ/គ.ក្រ ចំណែកេថ្លៃ​កៅស៊ូ RSSS-4  ជាមធ្យមនៅទីផ្សារកូតូយ៉ាម គឺ២,២៤ដុល្លារ/គ.ក្រ ក្នុងខែមេសា ឆ្នាំ២០២១។

៣.ថ្លៃទឹកជ័រខាប់ទិញលក់ភ្លាមៗនៅទីផ្សារគួឡាឡាំពួរ

ក្រាហ្វិកទី៣នឹងបង្ហាញពីថ្លៃទឹកជ័រខាប់ទិញលក់ភ្លាមនៅទីផ្សារគួឡាឡាំពួរ ចាប់ពីថ្ងៃទី១-៣០ ខែមេសា ឆ្នាំ២០២១ ដែលមាននិន្នាការ ថ្លៃប្រហាក់ប្រហែលនឹងនិន្នាការថ្លៃកៅស៊ូដុំ និងកៅស៊ូសន្លឹកទិញលក់ភា្លមនៅតាមបណ្តាទីផ្សារផ្សេងៗទៀតផងដែរ។